Stjórn og stefna

Hlutverk Rarik ohf. er að auka verðmætasköpun og lífsgæði viðskiptavina sinna með öruggri afhendingu á endurnýjanlegri orku og samfélagslega ábyrgum rekstri. Rarik hefur umsjón með umfangsmesta rafdreifikerfi landsins sem nær til Vestur-, Norður-, Austur- og Suðurlands auk 44 þéttbýliskjarna. Fyrirtækið á og rekur jafnframt fjórar hitaveitur; í Búðardal, á Blönduósi, Siglufirði og Höfn í Hornafirði. Dótturfyrirtæki okkar, Orkusalan ehf., annast öflun raforkunnar með eigin framleiðslu og innkaupum og selur viðskiptavinum í smásölu. Rarik ohf. er í eigu ríkisins, en er rekið sem sjálfstætt fyrirtæki, opinbert hlutafélag. Yfirstjórn er í höndum þess ráðherra sem fer með fjármál hverju sinni. Stjórn Rarik er kosin á aðalfundi félagsins ár hvert og er hún skipuð fimm aðalmönnum og fimm varamönnum.