Persónuverndarstefna Rarik

Í upplýsingakerfum okkar safnast saman upplýsingar um viðskiptavini þegar þeir:

• Kaupa vöru eða þjónustu frá okkur (t.d. heitt vatn, hitaveitu, raforkudreifingu).
• Skrá sig fyrir vöru eða þjónustu hjá okkur (t.d. senda inn umsókn um heimtaug vegna raforku eða hitaveitu).
• Tilkynna eða skrá álestur á orkumæli.
• Skrá sig fyrir móttöku símleiðis eða með tölvupósti á upplýsingum eða upplýsingaþjónustu hjá Rarik (t.d. bilanatilkynningar, áminningar um vanskil) – Mínar síður.
• Óska eftir frekari upplýsingum eða þjónustu (t.d. áætlun um orkunotkun, áætlun um verð á heimtaug).
• Bera fram ábendingar eða kvartanir (t.d. um afhendingaröryggi, umgengni Rarik og tjón).

Mögulega eru vistuð gögn um viðskiptavini Rarik frá öðrum fyrirtækjum eða stofnunum, svo sem vegna upplýsinga úr Þjóðskrá og lánstrausts.

Það fer eftir því um hvaða þjónustu ræðir en persónuupplýsingar sem geymdar eru í kerfum okkar geta verið, en þurfa ekki að takmarkast við, eftirfarandi:

• Nafn, kennitala, heimilisfang, landsnúmer og sveitarfélag.
• Notkunarflokkur og byggingarstaða mannvirkis við umsókn.
• Tegund tengingar (rafmagn eða hiti), stærð heimtaugar og fjöldi mæla.
• Einlínumynd af mælatöflum (ef rafmagnstenging), byggingarleyfi, afstöðumynd, útlitsmynd.
• Símanúmer og netfang.
• Bankaupplýsingar og greiðslumáti (ekki upplýsingar um kortanúmer).
• Samskipti viðskiptavinar við okkur, svo sem símtöl, tölvupóstar, sjálfsálestrarbréf, verkreikningar, beiðnir til viðskiptavers eða innheimtu, álestrar, kvartanir og úrvinnsla þeirra eða önnur samskipti við fyrirtækið.
• Upplýsingar um viðskipti viðskiptavinar við Rarik, svo sem tegund þjónustu, orkunotkun, orkukaup (vegna hitaveitu), reikningssaga, reikningsupphæðir, skuldastaða og önnur atriði sem tengjast reikningi viðskiptavinar.
• Kerfisupplýsingar sem tengjast viðskiptavini, svo sem tæknilegar upplýsingar, bilanir/kerfisatvik og tímasetningar þeirra.

Persónulegar upplýsingar um viðskiptavini eru mögulega notaðar í neðangreindum tilvikum:

• Til að veita eða afhenda þá vöru og þjónustu sem viðskiptavinur hefur keypt af okkur og veita viðskiptavini upplýsingar um stöðu á afhendingu vöru og framkvæmd þjónustu.
• Til að upplýsa viðskiptavin um breytingar á afhendingu þjónustu eða viðskiptaskilmálum – til dæmis rafmagnsleysi og framvindu þess.
• Til að bjóða viðskiptavini þjónustubreytingu sem byggist á því hvernig viðskiptavinur notar þjónustu okkar, þ.m.t. orkunotkunarmynstur og staðsetningu.
• Til að greina hvernig viðskiptavinir okkar nota þjónustuna og í hve miklu magni, til þess m.a. til að tryggja eðlilega uppbyggingu og þróun dreifikerfis okkar, stuðla að auknu afhendingaröryggi og hagkvæmni fyrirtækisins.
• Til að vernda tæknikerfi okkar, svo sem til að fyrirbyggja að ekki komi til hnökra eða truflunar á orkuafhendingu, t.d. á álagstímum.
• Til að reikningsfæra viðskipti viðskiptavinar.
• Við athugun á skuldastöðu viðskiptavinar í vanskilum, svo sem hjá aðilum sem halda utan um slíkar upplýsingar og hafa með höndum innheimtu krafna.
• Til að svara fyrirspurnum viðskiptavinar.
• Til að vinna gegn ólögmætri háttsemi og til að bæta tjón.
• Til þess að veita opinberum aðilum upplýsingar, þó aðeins í þeim tilvikum þar sem skylda hvílir á Rarik að verða við slíkri beiðni lögum samkvæmt.

Persónugreinanlegum upplýsingum um viðskiptavini okkar er dreift til Netorku hf., sem er sameiginlegt mæligagna- og uppgjörsfyrirtæki fyrir íslenskan raforkumarkað í markaðsvæddu umhverfi. Netorka hf. annast uppgjör og vinnslu sölumælinga og heldur utan um breytingar á viðskiptum raforkuseljenda og kaupenda – sjá einnig vefsíðu Netorku.

Samkvæmt lögum um niðurgreiðslur húshitunarkostnaðar nr. 78/2002 þurfa allir notendur sem vilja njóta niðurgreiðslu að sækja um það sérstaklega til Orkustofnunar sem hefur eftirlit með framkvæmd laganna. Það felur í sér að Orkustofnun hefur aðgang að persónugreinanlegum upplýsingar um viðskiptavini okkar.

Við erum ábyrg fyrir vinnslu þeirra upplýsinga sem umsækjandi sendir inn vegna umsóknar á auglýstu starfi.  Eftirfarandi upplýsingum er safnað vegna umsókna um starf:

• Nafn og kennitala
• Heimilisfang, símanúmer og tölvupóstfang
• Ferilskrá, kynningarbréf og prófskírteini

Vinnsla á þessum persónuupplýsingum felur í sér mat á því hvort umsækjandi uppfyllir þær kröfur sem gerðar eru vegna ráðningar í starf hjá okkur. Upplýsingarnar eru ekki notaðar í öðrum tilgangi. Ef umsækjandi er ekki ráðinn í starfið er upplýsingunum eytt.

Við einsetjum okkur að framfylgja reglum um vernd og öryggi upplýsinga og höfum á að skipa sérhæfðu starfsfólki sem fylgir því eftir að gögn um viðskiptavini okkar séu örugglega varin og komist ekki í hendur annarra en þeirra sem nauðsynlega þurfa að vinna með þau. Starfsfólk okkar og verktakar á vegum fyrirtækisins undirrita trúnaðaryfirlýsingu og eru bundnir trúnaði um vitneskju og störf sín hjá Rarik.

Við viðum rétt hins skráða til að fá aðgang að persónuupplýsingum, leiðrétta þær eða eyða þeim, takmarka eða andmæla vinnslu, flytja eigin gögn, afturkalla samþykki og kvarta til Persónuverndar í samræmi við lög númer 90/2018 um persónuvernd og vinnslu persónuupplýsinga.

Þess ber jafnframt að geta að við heyrum undir ákvæði laga um opinber skjalasöfn nr. 77/2014 og höfum skilaskyldu gagnvart Þjóðskjalasafni.

Beiðni um upplýsingar verður að vera skrifleg. Þar skal koma fram nafn, tölvupóstfang og póstfang hins skráða, auk upplýsinga um beiðnina sjálfa, þ.e. hvaða upplýsingum óskað er eftir. Í afgreiðslu okkar má fá þar til gert eyðublað til útfyllingar.

Til að tryggja öryggi persónuupplýsinga hins skráða ber okkur að auðkenna hinn skráða áður en upplýsingar eru veittar. Hinn skráði verður því að mæta í eigin persónu og með persónuskilríki útgefnum af opinberum stjórnvöldum (vegabréf, dvalarleyfisskírteini eða ökuskírteini) og afhenda beiðnina.

Tekið er á móti beiðnum um upplýsingar til samræmis við lög nr. 90/2018 um persónuvernd og vinnslu persónuupplýsinga í afgreiðslu á skrifstofu okkar að Dvergshöfða 2, 110 Reykjavík.

Jafnframt bendum við á að viðskiptavinir okkar geta skoðað og leiðrétt eigin persónuupplýsingar (nafn, aðsetur, síma og tölvupóstfang) á Mínum síðum á vef Rarik

Hinn skráði á rétt á því að gera athugasemdir við vinnslu og/eða meðferð persónuupplýsinga. 

Annars vegar er hægt að hafa samband við Persónuverndarfulltrúa Rarik: Hildur Þórarinsdóttir, lögfræðingur á lögmannsstofunni Juris. Sími: 580 4400. Netfang: hildur@juris.is.

Hins vegar er hægt að hafa samband beint við Persónuvernd.