Fyrirtækið

Rarik ohf. er opinbert hlutafélag í eigu ríkisins sem var stofnað 1. ágúst 2006 og tók þá við rekstri Rafmagnsveitna ríkisins sem hófu starfsemi sína þann 1. janúar árið 1947. Meginhlutverk fyrirtækisins hefur frá upphafi verið að afla og dreifa raforku með hagkvæmum hætti til almennings og atvinnulífs. Í dag er aðalverkefni okkar er að dreifa raforkunni en dótturfélagið Orkusalan sér um framleiðslu og sölumál. Rarik á og rekur hitaveitur á fjórum stöðum á landinu. Orkusalan á og rekur sex vatnsaflsvirkjanir. Rarik Orkuþróun ehf. er dótturfélag okkar sem sinnir ráðgjafa- og þróunarverkefnum á vegum Rarik hér heima og erlendis.

Um 90% af háspenntu dreifikerfi raforku í sveitum landsins er í umsjón okkar en samanlögð lengd þess er rúmlega 10.000 kílómetrar. Undanfarin ár hefur verið unnið markvisst að því að færa dreifikerfi okkar úr loftlínum í jarðstrengi en með því eykst rekstraröryggi um leið og komið er til móts við sjónarmið sem vilja draga úr sjónrænum áhrifum línumannvirkja. Þessu verki miðar vel og er stefnt er að því að árið 2035 verði allt dreifikerfi Rarik komið í jörð.