Starfsstöðvar

Rarik rekur umfangsmesta rafdreifikerfi á Íslandi sem nær til 90% af sveitum landsins og til 44 þéttbýliskjarna. Fyrirtækið annast því orkudreifingu í flestum sveitarfélögum utan höfuðborgarsvæðisins, Reykjaness og Vestfjarða. Undantekning frá þessu eru Akranes, Akureyri, Húsavík, Árborg og Vestmannaeyjar. Starfsemi okkar er því dreifð um landið og starfsstöðvar margar. Yfir 70% af starfsfólki okkar starfa utan höfuðborgarsvæðisins.

Skrifstofur okkar í Reykjavík, á Stykkishólmi, Akureyri, Egilsstöðum og Selfossi hafa fastan opnunartíma en að rekum við aðrar starfsstöðvar þar sem ekki er tryggur opnunartími. Þjónustuver okkar svarar öllum fyrirspurnum í síma 528 9000 á virkum dögum en bilanasími er ávallt opinn í sama númeri.