Athugun á bótaskyldu vegna rafmagnstruflana

Þegar tilkynning um tjón af völdum rafmagns berst könnum við hvort rafmagnstruflun hafi orðið á þeim stað og á þeim tíma sem tilgreindur er og upplýsum síðan hvort bótaskylda geti verið fyrir hendi samkvæmt gildandi lögum og reglum.

Með því að senda inn tjónstilkynningu óskar þú eftir því að við metum hvort skilyrði bótaskyldu séu uppfyllt samkvæmt reglum skaðabótaréttar. Tjónstilkynning til Rarik felur ekki í sér beiðni um vettvangsskoðun eða hefðbundið tjónsmat líkt og hjá tryggingafélögum. 

Matið byggir á yfirferð atvika og þeirra gagna sem lögð eru fram. Niðurstaða byggir á mati á orsakatengslum, saknæmi og öðrum skilyrðum bótaskyldu samkvæmt lögum. 

Ef þú vilt koma á framfæri ábendingu, fyrirspurn eða kvörtun vegna afhendingargæða rafmagns sem ekki varðar tjónakröfu getur þú sent okkur erindi á rarik@rarik.is.

Vátryggingar

Viðskiptavinum er bent á að kanna hvort tjón geti fallið undir eigin vátryggingar, svo sem heimilis-, innbús- eða rekstrartryggingar.

Í stuttu máli

• Þú ert að kanna mögulega bótaskyldu Rarik en ekki að óska eftir tjónsmati.
• Rarik kannar hvort skilyrði bótaskyldu séu uppfyllt.
• Ábyrgð dreifiveitna er takmörkuð samkvæmt lögum.
• Gott er að kanna eigin tryggingar samhliða.