Jafnréttisstefna Rarik

Tilgangur og markmið jafnréttisstefnu Rarik er að styðja við og tryggja jöfn tækifæri óháð kyni, aldri, þjóðerni, fötlunar eða annarra þátta. Markmið fyrirtækisins er að móta hvetjandi menningu sem undirstöðu að góðum vinnustað.  Með hugrekki, árangri og virðingu er stutt við stöðugar umbætur í jafnréttismálum innan Rarik sem miðar út frá því að gæta að jöfnum rétti allra.

Jafnréttisstefnan byggir á lögum nr. 150/2020 um jafna stöðu og jafnan rétt kynjanna. Forstjóri Rarik ber ábyrgð á að jafnréttisstefnu sé fylgt og hún endurskoðuð á þriggja ára fresti. Stefnan er lögð fyrir stjórn Rarik.

Megináherslur í jafnréttismálum Rarik eru eftirfarandi:

• Rarik auglýsir laus störf óháð kyni.
• Rarik auglýsir laus störf óháð staðsetningu sé þess nokkur kostur. 
• Rarik greiðir öllu starfsfólki, jöfn laun og sömu kjör fyrir jafnverðmæt störf.
• Rarik gætir þess að allt starfsfólk hafi sömu tækifæri til fræðslu, náms og þróunar í starfi.  
• Rarik er vinnustaður þar sem starfsfólk getur samræmt einkalíf og starf.   
• Rarik líður ekki einelti, fordóma, kynbundna áreitni, kynferðislega áreitni eða ofbeldi.