Bætt afhendingaröryggi á Snæfellsnesi

Til að hægt sé að tengja þær við kerfið, þá hefur RARIK sett upp stærri spenni í aðveitustöðina á Vogaskeiði við Stykkishólm og nýjan háspennurofa sem hægt verður að tengja vélarnar við. Spennirinn var stækkaður úr 3MW upp í 10 MW og á nú að geta tekið við varaafli fyrir allt utanvert Snæfellsnes.

Prófanir á endurbættu kerfi standa nú yfir og verða allar fimm vélar Landsnets prófaðar í tengingu við endurbætta aðveitustöð RARIK á Vogaskeiði. Gert er ráð fyrir að tvær vélanna verði í framhaldinu staðsettar þar, en Landsnet áformar að hinar muni a.m.k. fyrst um sinn vera staðsettar á Norðurlandi.

Prófunum á tengingu vélanna og þessum nýja búnaði á Vogaskeiði geta fylgt skammvinnar rafmagnstruflanir, en notendur RARIK á svæðinu verða upplýstir um nánari tímasetningar þeirra með SMS-skilaboðum.