Við erum viðbúin vegna endurbóta á flutningskerfinu

Á Vík er gott varaafl til staðar sem þjónar bæjafélaginu og Mýrdalnum. Þó þykir okkur rétt að vara við mögulegum truflunum á dreifingu rafmagns í Mýrdal og að Kirkjubæjarklaustri á þessum tíma ef óvænt atvik skyldu verða, s.s. áflug fugla á línur. Sveitin undir Eyjafjöllum mun verða án rafmagns meðan á vinnu Landsnets stendur og hafa viðskiptavinir okkar þar verið látnir vita. Við viljum biðja þau velvirðingar á þeim óþægindum sem þetta kann að valda. Ekki ætti að koma til rafmagnstruflana á Kirkjubæjarklaustri.

Allar nánari upplýsingar varðandi truflanir má fá hjá stjórnstöð okkar í síma 528 9000 og kort af svæðinu má nálgast hér.

Viðskiptavinir í Mýrdal fari sparlega með rafmagn

Við viljum biðja íbúa í Vík og Mýrdal að fara sparlega með rafmagn í nótt til að létta undir með varaaflsvélunum. 

• Slökkvum á óþarfa ljósum og raftækjum
• Bíðum með að setja af stað þvottavélar, þurrkara og uppþvottavélar til morguns
• Frestum hleðslu rafbíla og annarra stórra tækja

Hjálpumst öll að við að tryggja stöðugt rafmagn til allra sem njóta varaafls og komum í veg fyrir truflanir vegna álags.