Breytingar á gjaldskrá fyrir sölu á heitu vatni

Heildaráhrif breytingarinnar fyrir meðalheimili eru eftirfarandi: 

Við vinnum nú að því að fastagjald hitaveitu sé sambærilegt milli svæða, þannig að það endurspegli betur fastan kostnað við rekstur hitaveitna. 

• Breytingar verða teknar í skrefum fyrir Siglufjörð, þar sem fastagjaldið þar hefur verið umtalsvert lægra en annars staðar.
• Jafnframt er gert ráð fyrir að sama gjaldskrá gildi á Höfn, Blönduósi/Skagaströnd og í Dalabyggð, sem einnig verður jafnað í skrefum. 

Ástæða meiri hækkunar á Blönduósi/Skagaströnd og í Dalabyggð 

Ástæða þess að  hækkanir á Blönduósi/Skagaströnd og í Dalabyggð, eru meiri en á Siglufirði eru miklar fjárfestingar í hitaveitukerfinu á Blönduósi/Skagaströnd á síðustu árum auk þess sem mikil fjárfesting er framundan í Dalabyggð.  

Við leggjum áherslu á að nauðsynlegum fjárfestingum sé forgangsraðað til að tryggja rekstraröryggi, afhendingaröryggi og gæði þjónustu til framtíðar. 

Framþróun á hitaveitum okkar er gríðarlega mikilvægt verkefni. Hitaveitur minnka þörf fyrir rafmagnskyndingu og spara þannig raforku, auk þess að vera mun hagkvæmari lausn en rafkynding. Það skiptir miklu máli að rekstur hitaveita sé góður og að sem minnstur varmi glatist við dreifingu. Dreifikerfi okkar fyrir heitt vatn er sums staðar komið til ára sinna og þarfnast endurbóta. 

Í stefnumótun okkar höfum við lagt áherslu á að nýta nýjustu tækni, bæta skilvirkni og þróa orkuinnviði til að styðja byggðir og samfélög á dreifðum svæðum. Endurnýjun á eldri hitaveitum okkar er liður í þessu og einnig því stefnumarkmiði okkar um að umgangast náttúruna af virðingu og auka sjálfbærni í öllum okkar rekstri.