Breyting á jöfnunargjaldi

Rarik heldur úti sérstakri gjaldskrá fyrir dreifbýli og annarri fyrir þéttbýli. Ástæðan er sú að kostnaður við dreifingu raforku er ólíkur eftir svæðum. Í dreifbýli er dreifikerfið víðfeðmara, lengri vegalengdir eru á milli notenda og kostnaður við uppbyggingu, rekstur og viðhald kerfisins er því almennt hærri en í þéttbýli.

Jöfnunargjaldið er sameiginlegur pottur sem síðan er nýttur til að greiða dreifbýlisframlag til raforkunotenda í dreifbýli. Hækkun dreifbýlisframlags, sem tók gildi 1. júní síðastliðinn, er mikilvægt skref í átt að aukinni jöfnun kjara milli viðskiptavina í dreifbýli og þéttbýli og skiptir miklu máli fyrir heimili, fyrirtæki og samfélög um land allt. 

Breytingin á jöfnunargjaldi er eftirfarandi frá og með 1. júlí 2026

Forgangsorka:  

• Samanlögð notkun á hverjum notkunarstað sem er upp að 1.000 MWst á hverju almanaksári: Jöfnunargjald hækkar úr 0,52 kr/kWst í 1,01 kr/kWst.
• Samanlögð notkun á hverjum notkunarstað sem er umfram 1.000 MWst á hverju almanaksári: Jöfnunargjald er óbreytt 0,52 kr/ kWst.
• Frá 1. júlí 2026 til 31. desember 2026  verður jöfnunargjald fyrir samanlagða notkun á hverjum notkunarstað upp að 500 MWst 1,01 kr/kWst en jöfnunargjald fyrir alla notkun umfram 500 MWst á hverjum notkunarstað verður óbreytt: 0,52 kr/kWst. 

Ótrygg orkudreifing

• Samanlögð notkun á hverjum notkunarstað sem er upp að 1.000 MWst á hverju almanaksári: Jöfnunargjald hækkar úr 0,17 kr/kWst í 0,34 kr/kWst. 
• Samanlögð notkun á hverjum notkunarstað sem er umfram 1.000 MWst á hverju almanaksári: Jöfnunargjald er óbreytt: 0,34 kr/ kWst.
• Frá 1. júlí 2026 til 31. desember 2026 verður jöfnunargjald fyrir samanlagða notkun á hverjum notkunarstað upp að 500 MWst 0,34 kr/kWst en jöfnunargjald fyrir alla notkun umfram 500 MWst á hverjum notkunarstað verður óbreytt: 0,17 kr/kWst.

Notkun undanþegin jöfnunargjaldi

• Raforkunotkun vegna raforku til kyntra hitaveitna er undanþegin greiðslu jöfnunargjalds.  
• Raforkunotkun vegna hitunar íbúðarhúsnæðis sem uppfyllir skilyrði niðurgreiðslna skv. 4. gr. laga um niðurgreiðslur húshitunarkostnaðar, nr. 78/2002, er einnig undanþegin greiðslu jöfnunargjalds.

Uppgjör vegna 1. júlí 2026 til 31. desember 2026

Í byrjun árs 2027 mun Rarik gera sérstaklega upp samanlagða notkun umfram 500 MWst á hverjum notkunarstað. Viðskiptavinir sem það á við munu fá endurgreiðslu sem nemur umframgreiðslu jöfnunargjalds á notkun umfram 500 MWst.   
 
Að auki tilkynnum við um 3% hækkun á Gjaldskrá Rarik fyrir þjónustu, og á þjónustugjaldaliðum í Gjaldskrá fyrir hitaveitu en hækkunin er í samræmi við þróun verðbólgu síðastliðna mánuði. Engar aðrar breytingar eru á gjaldskrám fyrir dreifingu og flutning raforku, tengigjöld eða gjaldskrá fyrir sölu á heitu vatni.