Við leitum að framkvæmdastjóra á nýju sviði í skipulagi RARIK

Þróun og framtíð er nýtt svið í skipulagi RARIK. Þar verður áherslan lögð á þau miklu tækifæri sem felast í breytingum sem eru að raungerast á sviði orkumála og í verkefnum dreifiveitna. Í forgrunni verða orkuskiptin en það er hlutverk RARIK að gera þau möguleg á landsbyggðinni. Samhliða er lögð áherslu á framtíðarhögun dreifiveitu með nýjum orkukostum og smávirkjunum þar sem viðskiptavinir verða í ríkari mæli bæði viðtakendur og framleiðendur raforku.

Helstu verkefni og ábyrgð sviðsins:

• Orkuskipti
• Greiningar á áhrifaþáttum á þróun dreifikerfa
• Langtímaáætlun fjárfestinga
• Þróun veitukerfa, tækni og þjónustuviðmóts
• Jarðhitaleit og virkjun heits vatns
• Stöðlun og hönnunarforsendur
• Meðhöndlun nýrra orkukosta
• Nýbyggingar

Framkvæmdastjóri leiðir sviðið og situr í framkvæmdastjórn. Leitað er að leiðtoga með jákvætt hugarfar, hugmyndaauðgi, eldmóð og áhuga á að móta framtíðina með öflugu starfsliði og viðskiptavinum RARIK. Þekking og reynsla á sviði raforkumála er nauðsynleg.

Nýju skipulagi fylgja ný tækifæri. Með teymisvinnu og öflugri liðsheild náum við lengra. Starf framkvæmdastjóra Þróunar og framtíðar er án staðsetningar og hægt er að sinna því á einhverri af starfsstöðvum RARIK sem staðsettar eru víðs vegar um landið. Þannig búum við til tækifæri fyrir þig. Við leggjum áherslu á jafnrétti og fjölbreytileika mannauðs og tökum vel á móti alls konar fólki.

Nánari upplýsingar veitir Sverrir Briem - sverrir@hagvangur.is

Trúnaður ríkir um umsóknir og öllum verður svarað.

Umsóknarfrestur: 16.10.2023

Sækja um