Hér má sjá myndir sem sýna vinnuhópa RARIK við störf á svæðum þar sem ofsaveður reið yfir á þriðjudag og miðvikudag. Fréttin er uppfærð eftir því sem nýjar myndir berast.
Starfsmenn RARIK, Rafal, Landsnets og björgunarsveitanna að hreinsa salta ísingu af tengivirkinu í aðveitustöðinni í Hrútatungu.
Einangrari í aðveitustöðinni i Hrútatungu með saltri ísingu sem veldur því að jarðhlaup verður í kerfinu og rafmagn slær út.
Starfsmaður RARIK á Sauðárkróki tók þessar myndir af aðveitustöðinni þar sem var ísilögð.
Í óveðrinu myndar hér starfsmaður RARIK ísingu og staurabrot við Dalvík.
Hér má sjá hvernig ísing hleðst utan um loftlínu í Tjörnesi. Ísing að þessu tagi veldur gjarnan staurabroti eða vírsliti.
Selta hreinsuð af einangrara við Reykjaskóla í Hrútafirði.
Í samvinnu við Landhelgisgæsluna er verið að flytja eitt tonn af jarðstrengjum með danskri Hercules flugvél á Norðurland.
Starfsmaður RARIK tók þessa mynd í Hercules flugvélinni á leiðinni norður ásamt björgunarsveitum, tækjum og búnaði.
Brotnir staurar í Hörgárdal.
Unnið er við að tengja vélar í Varðskipinu Þór við innanbæjarkerfið á Dalvík.
Verið að tengja varaaflsstöð við aðveitustöðina á Dalvík.
Endurbygging Skagalínu þar sem 15 staurar brotnuðu.
Einangrari festur við erfiðar aðstæður á staur á Skagalínu þar sem 15 staurar brotnuðu.
Sölt ísing hreinsuð af spennum á loftínu á Reykjaströnd.
Ísing brotin af staur á Reykjaströnd.
Hér er verið að hreinsa einangrara og endurnýja tengingu á spenni á Reykjaströnd.
Ísing hreinsuð af línu milli Sauðárkróks og Glaumbæjar.
Hér er verið að prófa að setja rafmagn inn á línuna á Reykjaströndina. Hér fannst bilun og eftir að starfsmenn vinnuflokka RARIK töldu sig vera búnir að gera allt kemur í ljós áframhaldandi bilun og öryggið leysir út með hvelli.
Öryggi leysir hér út með hvelli og blossa við prófun.
Viðgerð á loftlínu á Tjörnesi norðan við Köldukvísl.
Unnið í línu utan við Kópasker.
Viðgerð á Kópaskerslínu í Öxarfirði.