Rarik
Leit
Leit

Rafstöð í Grímsey endurnýjuð

Endurbótum á rafstöð RARIK í Grímsey er nú að ljúka en búnaður hennar var orðinn gamall og þarfnaðist endurnýjunar.

Settar voru upp þrjár nýjar Scania 160 kW díselvélar sem hver og ein nægir til að anna orkuþörf í eyjunni en ef álag eykst ræsir stjórnkerfið aðra vél í samkeyrslu. Vélarnar eru reknar sem sjálfstæðar einingar og er hægt að taka hverja einingu úr notkun ef þörf er á vegna viðhalds. Við val á vélum var tekið mið af eldsneytis- og varmaorkunýtni þeirra. Samhliða var allur raf- og stýribúnaður og stoðkerfi stöðvarinnar endurnýjaður í því skyni að gera rafstöð RARIK í Grímsey eins sjálfvirka og framast er kostur og að bæta vöktunar- og fjarstýrimöguleika og auka þar með áreiðanleika. Þá var sett upp nýtt og fullkomið loftræstikerfi sem tryggir loftskipti í rafstöðvarbyggingunni og dregur úr raka og seltu í innblásturlofti. Varmaorkan frá nýju díselvélunum mun að hluta til nýtast til að hita upp sundlaug Grímseyinga. EFLA verkfræðistofa var aðalhönnuður og ráðgjafi RARIK við verkið og sá um verkeftirlit á framkvæmdatímanum. Næsta sumar er áætlað að lagfæra húsnæði stöðvarinnar að utan og ganga frá lóð og frárennslislögnum með olíugildrum og að endurnýja birgðatank.

Rafstöðin í Grímsey fyrir endurnýjun
Við endurbætur á rafstöðinni í Grímsey var miðað við að gera stöðina eins sjálfvirka og kostur er og að auka áreiðanleika með bættum vöktunar- og fjarstýrimöguleikum.
Rafstöðin í Grímsey eftir endurnýjun
Búnaður rafstöðvarinnar eftir endurnýjun.

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

RARIK ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

SKIPTIBORÐ

Samband við öll svið
Sími: 528 9000
Fax: 528 9009
Opið: 08:00-16:00

BILANAVAKT ALLAN SÓLARHRINGINN

Bilanir Vesturl.: 528 9390
Bilanir Norðurl.: 528 9690
Bilanir Austurl.: 528 9790
Bilanir Suðurl.: 528 9890
Rarik