Rarik

Góð mæting á opinn fund um lokun hitaveitunnar á Seyðisfirði

Á annað hundrað manns sóttu opinn íbúafundur um fyrirhugaða lokun fjarvarmaveitunnar á Seyðisfirði var haldinn fimmtudaginn 12. október sl.

Á fundinum fór forstjóri RARIK yfir forsendur þess að fyrirtækið telur ekki kostnaðarlega forsvaranlegt að endurnýja dreifikerfi veitunnar sem nú er að verða úr sér gengið. Enn fremur hvernig fyrirtækið sér fyrir sér hvað gæti tekið við í hitun húsnæðis á Seyðisfirði og áform um lokun veitunnar. Þá fór Magnús Ólafsson frá Íslenskum orkurannsóknum (ÍSOR) yfir þá jarðhitaleit sem farið hefur verið í á Seyðisfirði á undanförnum árum og Benedikt Guðmundsson frá Orkustofnun yfir styrki til húshitunar og reglur um styrki til kaupa á varmadælum. Að loknum erindum hófust fyrirspurnir og umræður sem fundarmenn tóku virkan þátt í og komust færri að en vildu. Óhætt er að segja að nokkur hiti hafið verið í fundarmönnun, sem m.a. gagnrýndu RARIK fyrir að hafa ekki viðhaldið kerfinu með eðlilegum hætti. Fjölmargar fyrirspurnir og eðlileg gagnrýni kom fram á fundinum sem sumum hverjum var svarað, en þó er ljóst að halda þarf annan íbúafund innan nokkurra mánaða til að fara nánar yfir þá framtíðarsýn sem hentar Seyðfirðingum best í hitun húsnæðis þeirra.

Á annað hundrað manns mættu á fundinn
Á annað hundrað manns mættu á fundinn og tóku fundarmenn virkan þátt með fyrirspurnum og umræðum.
Tryggvi Þór Haraldsson forstjóri RARIK fór yfir stöðu veitunnar á fundinum.
Tryggvi Þór Haraldsson, forstjóri RARIK, fór yfir stöðu veitunnar á fundinum.
Starfsmenn RARIK veittu bæjarbúum á Seyðisfirði ýmsa aðstoð að fundi loknum.
Starfsmenn RARIK veittu bæjarbúum á Seyðisfirði ýmsa aðstoð að loknum fundi.

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

Rarik

Dvergshöfða 2
110 Reykjavík
Kt. 520269-2669
Netfang: rarik@rarik.is

SKIPTIBORÐ

Samband við öll svið
Sími: 528 9000
Fax: 528 9009
Opið: 08:00-16:00

BILANAVAKT ALLAN SÓLARHRINGINN

Vesturland: 528 9390
Norðurland: 528 9690
Austurland: 528 9790
Suðurland: 528 9890
Rarik