ao link
Fellivalmynd
Fara á forsíðu vefsvæðis RARIK
Leit
Leit

English

Mínar síður
Um RARIK
Fréttir og útgáfa
Þjónusta

Tenging virkjunar

Í dag eru 45 virkjanir af ýmsum stærðum og gerðum tengdar dreifikerfi okkar en uppsett afl þeirra nemur í heild um 76 MW. Á virkjanakortinu okkar getur þú séð nánari upplýsingar um þessar virkjanir, en um er að ræða vatnsaflsvirkjanir, jarðvarmavirkjanir, sólarorku og vindmyllur. Til viðbótar við þær virkjanir sem sjá má á kortinu er fjöldi örvirkjana sem tengjast kerfi Rarik, sem framleiða orku eingöngu til eigin nota, en selja hana ekki til þriðja aðila.

Brúarvirkjun
Brúarvirkjun

Virkjunum sem eru 12kW-10MW er heimilt að tengjast raforkukerfi landsins um kerfi dreifiveitu eins og Rarik. Í dag eru 45 virkjanir af ýmsum stærðum og gerðum tengdar dreifikerfi okkar. Uppsett afl þeirra nemur í heild um 76 MW.

 

Áður en framkvæmdir við virkjanir hefjast þarf nýr virkjunaraðili að hafa samband við Rarik og kanna hvort mögulegt er að tengja virkjun af fyrirhugaðri stærð við dreifikerfið á viðkomandi stað. Hugsanlega þarf að ráðast í styrkingu kerfisins svo það sé hægt og getur það haft áhrif á tengikostnað. Í kjölfarið er gerður tengisamningur milli virkjunar og Rarik um tenginguna. Eftir það er unnt að hefjast handa við lokaundirbúning verkefnisins. Þegar hönnun er lokið er hægt að gera samrekstrarsamning virkjunar og Rarik og hefja framkvæmdir.


Virkjanir sem tengdar eru dreifikerfinu greiða fast árlegt gjald fyrir tenginguna skv. gjaldskrá Rarik fyrir innmötun raforku, sem háð er stærð.  


Vegna hagræðis sem virkjunin skapar dreifiveitunni með lækkun flutningsgjalda fá virkjanir undir 300 kW síðan árlega greiðslur sem nema lækkun úttektar Rarik á afhendingarstað Landsnets. Þessar greiðslur fara hlutfallslega lækkandi með stærð (sjá gjaldskrá hér fyrir neðan). Þá þarf virkjunaraðili einnig að greiða tengigjald í upphafi, en það er háð m.a. tilkostnaði vegna tengingarinnar. 

 

Ferlið við tengingu nýrrar virkjunar inn á dreifikerfi Rarik má skipta í sex skref. Hér fyrir neðan eru skrefin útskýrð í stuttu máli, auk þess er að finna svör við algengum spurningum.

Ferli tengingar virkjunar við dreifikerfi Rarik

1. Fyrirspurn

Virkjunaraðili sendir inn fyrirspurn til Rarik

  • Sérfræðingar Rarik kanna hvort mögulegt er að tengja virkjun af fyrirhugaðri stærð við dreifikerfið á viðkomandi stað auk þess að áætla tengikostnað gróflega.
  • Hugsanlega þarf að ráðast í styrkingu kerfisins og getur það haft áhrif á tengikostnað. 
  • Sé svar Rarik jákvætt er viðskiptavini í framhaldi boðið að gera Tengisamning, sem er tímabundinn samningur til 24 mánaða.

 

Sækja skjalFyrirspurn vegna tengingar virkjunar við dreifikerfi RARIK
Sækja skjalSýnishorn - orkuvinnsluáætlun

2. Tengisamningur

  • Vilji virkjunaraðili halda áfram með verkefnið, er gerður tengisamningur við Rarik
  • Samningurinn er tímabundinn til tveggja ára og er án frekari skuldbindinga af hálfu beggja aðila ef ekki verður af virkjun.
Sækja skjalSýnishorn tengisamnings

3. Skuldbinding

  • Í þeim tilfellum þar sem þarf að fara í framkvæmdir, getur virkjunaraðili óskað eftir því að Rarik hefji framkvæmdir og/eða panti inn búnað áður en samrekstrarsamningur er kláraður.
  • Þetta er háð samþykki Rarik en innkaup og framkvæmdir hefjast ekki fyrr en greiðsla og/eða bankaábyrgð vegna tengigjalds hefur borist frá virkjunaraðila.
  • Mikilvægt er að hafa í huga þegar tímaáætlun er sett fram að pantanaferli búnaðar getur tekið allt að 9-12 mánuði. Fyrir stærri virkjanir getur ferlið tekið enn lengri tíma eða allt að 24 mánuði.

4. Samrekstrarsamningur

Samrekstrarsamningur er skuldbindandi af hálfu beggja aðila og er gerður þegar virkjunaraðili hefur fengið virkjunarleyfi.

 
Áður en samrekstrarsamningur er undirritaður skilar virkjunaraðili inn til Rarik ýmsum gögnum til nákvæmari greiningar til að gera endanlegt tilboð um tengigjald. Þar sem Rarik þarf að stofna til kostnaðar vegna verkefnisins er sett upp greiðsluáætlun vegna tengigjalds.

 

Tímaáætlun virkjunaraðila er háð samþykki Rarik, þar sem samræma þarf framkvæmdir beggja aðila. 

 

Meðal þeirra gagna sem þarf að skila eru:

 

Sækja skjalSýnishorn: Samrekstrarsamningur fyrir virkjanir undir 100kW
Sækja skjalSýnishorn: Samrekstrarsamningur fyrir virkjanir yfir 100 kW
Sækja skjalSýnishorn - orkuvinnsluáætlun

5. Framkvæmdir

  • Á þessu stigi hefjast framkvæmdir.
  • Rarik setur upp tímalínu út frá verkáætlun virkjunaraðila.
  • Allar breytingar á tímaáætlun þarfnast samráðs við starfsfólk Rarik, þar sem ný tímasetning um áætlaða tengingu virkjunar gæti stangast á við önnur verkefni hjá Rarik. 

6. Gangsetning til rekstrar

  • Þetta er lokaskrefið áður en virkjunin fer í hefðbundinn rekstur hjá Rarik.
  • Hér eru öll skjöl, skoðanir og leyfi til staðar auk gangsetningaráætlunar virkjunaraðila.
  • Sérfræðingar okkar sjá um að klára verkefnið ásamt tilheyrandi prófunum í góðri samvinnu við virkjunaraðila áður en virkjunin fer í hefðbundinn rekstur.
  • Í lok þessa skrefs er virkjunin gangsett til rekstrar á kerfum Rarik.
  • Prófanir vegna eyjakeyrslu:
    • Getu virkjana yfir 1 MW þarf að staðfesta til eyjakeyrslu með virkniprófun.
Sækja skjalEigin notkun virkjunar
Sækja skjalEyjarekstur virkjunar
Sækja skjalMönnun og vaktir fjarstýrðra virkjana

Ef þú hefur frekari spurningar, ekki hika við að senda okkur fyrirspurn á rarik@rarik.is

DreifikerfiTenging virkjunar

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Fleira sem þú gætir haft áhuga á

Rarik

Rarik ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

Þjónustuver

Sími: 528 9000

Opið:
Mán-fim 9-16 og fös 9-14

Bilanavakt allan sólarhringinn

Sími: 528 9000

 

 

Fylgdu okkur:

Facebook
Rarik