Gjaldskrá fyrir innmötun raforku

Fastagjald og aflgjald
Árlegt fastagjald og aflgjald miðast við umsamið afl inn á kerfi Rarik í samningi um samrekstur og tengingu milli framleiðanda og Rarik fyrir hverja virkjun.

Eyjakeyrslukrafa

Fastagjöld vegna samfasa rafala 1000 kW og stærri miðast við að virkjun sé búin búnaði til skipulagðs eyjarekstrar. Verði misbrestur á því hækkar fastagjald og aflgjald um 60%.

Útgáfa reikninga

Rarik skal gefa út mánaðarlega reikninga vegna 1/12 hluta greiðslu virkjunaraðila fyrir fastagjald.

Virkjunaraðili skal gefa út mánaðarlega reikninga vegna greiðslna Rarik skv. B-hluta verðskrár miðað við orku skv. mæli  og 1/12 hluta áætlaðrar greiðslu vegna afls. Lokauppgjör fer fram með desember reikningi.

Gjalddagi mánaðarlegra reikninga er síðasti virki dagur næsta mánaðar.

Tengisamningur

Þegar sótt er um virkjunarleyfi þarf virkjunaraðili að skila inn tengisamningi við dreifiveitu. Tengisamningurinn er með fyrirfram ákveðinn gildistíma og rennur út verði ekki af virkjun. Gjald fyrir tengisamning er 100.000 kr.  m. VSK. Gjaldið gengur upp í tengigjald ef af virkjuninni verður.

Tengigjald

Við tengingu greiðir virkjun tengigjald með eingreiðslu skv. tilboði Rarik í samræmi við ákvæði raforkulaga. Tengigjald virkjana undir 140 kW (undir 200 Ampera heimtaug) fylgir þó almennri tengigjaldskrá Rarik.¹  

Afsláttur af dreifigjöldum til eigenda smávirkjana undir 100 kW

Notendur sem uppfylla ákvæði 17.gr.a. í raforkulögum um afslátt til eigenda virkjana undir 100 kW er veittur 50% afsláttur af orkugjaldi og aflgjaldi frá verðskrá um dreifingu og flutning vegna mældrar notkunar sem fer um dreifikerfið. Ekki er veittur afsláttur af fastagjaldi og fasviksgjaldi. Afsláttur nær aðeins til þeirrar notkunar sem samsvarar vinnslu virkjunar á hverjum tíma.

Greiðslur Rarik til virkjunaraðila vegna minni úttektar frá Landsneti

Virkjun undir 300 kW stærð nýtur að fullu endurgreiðslu á þeim ávinningi sem felst í því að dreifiveita þarf ekki að greiða úttektargjald til flutningskerfisins vegna virkjana undir 300 kW, sbr. ákvæði raforkulaga 4.mgr. 17.gr.a. Fyrir virkjun yfir 300 kW minnka upphæðir þessara liða hlutfallslega og falla alveg niður við 3.100 kW. Upphæðir skulu reiknaðar skv. aflgjaldi, orkugjaldi og gjaldi fyrir flutningstöp í flutningsgjaldskrá Landsnets eins og hún er á hverjum tíma. Endurgreiðsla aflþáttar til ósamfasa virkjana undir 100 kW er í formi lægra fastagjalds, en ekki sérútreikningi. Aflþáttur miðast við mældan 60 mínútna meðaltopp og mismun á meðaltali fjögurra hæstu mánaðatoppa með og án virkjunar. Komi til innmötunar orku inn á meginflutningskerfið í afhendingarstað Landsnets skerðist greiðsla fyrir orkuþátt og tapaþátt sem því nemur.

Vinnslueiningar allt að 16 A stærð

Vinnslueining allt 16 A stærð telst örvirkjun sem ekki er heimilt að tengja kerfi Rarik sem vinnslueining í skilningi raforkulaga sem hafi heimild til raforkuviðskipta. Örvirkjanir greiða fyrir tengingu skv. tengigjaldskrá Rarik og dreifingu skv. dreifigjaldskrá Rarik.

¹ 140 kW miðast við að virkjunin sé í þriggja fasa kerfi  og að hámarki 200 Ampera heimtaug beri viðkomandi virkjun