Breyting á heimlögn

Sækja um breytingu á heimtaug

Víða eru heimtaugar einfasa enda eru stórir hlutar dreifikerfisins ennþá einfasa. Mikið átak hefur þó verið unnið í þrífösun dreifikerfisins undanfarin ár, sérstaklega með aukinni jarðstrengsvæðingu, en þrátt fyrir það munu enn um sinn einhverjir hlutar þess áfram verða án þriggja fasa rafmagns.

Þar sem dreifikerfið er þriggja fasa geta viðskiptavinir sótt um þrífösun heimtaugar gegn föstu gjaldi skv.tengigjaldskrá. Sé þriggja fasa háspennulögn ekki fyrir hendi geta viðskiptavinir óskað eftir flýtingu framkvæmda, gegn greiðslu flýtikostnaðar, sem er fast verð á km skv. tengigjaldskrá. 

Þrífösunarkostnaðar getur þó orðið talsvert hár þegar þriggja fasa dreifikerfi er ekki fyrir hendi. Í slíkum tilvikum kann að vera skynsamlegt að huga að öðrum lausnum. M.a. bjóða ýmsar raftækjaverslanir hraðabreyta sem breytt geta einfasa rafmagni í þriggja fasa og getur slíkur búnaður verið hentug lausn fyrir minni mótora. Einnig geta viðskiptavinir okkar fengið leigða svokallaða rafhrúta sem er búnaður til þess að umbreyta einfasa rafmagni í þriggja fasa. Rafhrútar henta til þess að gera notkun þriggja fasa véla mögulega þar sem þriggja fasa rafmagn er ekki til staðar og kostnaður við þrífösun er hár. Skilyrði fyrir leigu rafhrúta er að leigutaki sé tengdur kerfi okkar. Um leiguverð má sjá í verðskrá, kafla IV, þjónusta.

Til að sækja um þrífösun á heimtaug þarf að fylla út umsókn á umsóknarvef okkar. Umsóknin þarf að berast með góðum fyrirvara. Mikilvægt er að fram komi í athugasemdum að um þrífösun sé að ræða.

Heitt vatn

Ef gera þarf breytingu á heimæð þarf að fylla út umsókn um breytingu á heimæð á umsóknarvef okkar.

Sækja um breytingu á heimæð