RARIK tekur lán hjá NIB

15.02.2023

RARIK og Norræni fjárfestingarbankinn hafa undirritað lánasamning um allt að 20 milljón evra lán til 15 ára, með uppgreiðsluheimild eftir fimm ár. Lánið er til endurfjármögnunar á verkefnum ársins 2022 og til fjármögnunar að hluta til framkvæmdir við endurnýjun og þrífösun loftlínudreifikerfisins með jarðstrengjum árin 2023 og 2024.

RARIK hefur unnið að endurnýjun kerfisins með jarðstrengjum á undanförnum árum og er markmiðið að draga úr truflunum og rafmagnsleysi vegna veðurs. Ákveðið hefur verið að endurnýja allt dreifikerfið á næstu árum til að auka afhendingaröryggi en 75% af kerfinu er nú þegar komið í jörð. Með þessum aðgerðum er RARIK einnig að draga úr viðhaldsþörf og styrkja kerfið til að takast á við aukna raforkunotkun, m.a. vegna orkuskipta.