Stendur til að flytja?

Þetta á við um:

1. Alla nýja rafmagnsgreiðendur.
2. Alla þá sem hafa ekki verið greiðendur rafmagns í meira en þrjá mánuði.
3. Notendur sem eru nú þegar í viðskiptum við fleiri en einn söluaðila rafmagns.

Hafi viðskiptavinur ekki valið sér söluaðila og gert raforkusölusamning við sölufyrirtæki, ber dreifiveitu (RARIK) að stöðva raforkuafhendingu til viðkomandi notanda 30 dögum frá viðvörun.

RARIK vill einnig benda á að það er mikilvægt að tilkynna notendaskipti strax þar sem ekki er hægt að afgreiða þau aftur í tímann.

Ný tenging við dreifikerfið

Við nýtengingar heimtauga vill RARIK benda viðskiptavinum á að það er nauðsynlegt að velja sér söluaðila rafmagns. RARIK mun ekki tengja nýjar heimtaugar ef viðskiptavinur er ekki búinn að velja sér söluaðila. 

Hvað er söluaðili rafmagns?

Söluaðili rafmagns er sá sem hefur raforkuviðskipti á samkeppnismarkaði. Viðskiptavinir hafa val um hvaða fyrirtæki þeir skipta við þegar þeir kaupa raforku. Það má líkja þessu við þegar viðskiptavinir velja sér farsíma- eða netsambandsþjónustu. Sjá nánar á vef Orkustofnunar.

Hvað er dreifikerfi raforku?

RARIK sér einungis um að dreifa raforkunni á sínu svæði, einskonar vegakerfi raforku. Dreifing raforku er háð einkaleyfi á hverju svæði, annað væri þjóðhagslega óhagkvæmt. RARIK starfar undir eftirliti Orkustofnunar í samræmi við raforkulög og ber þar af leiðandi að fylgja þeim leiðbeiningum sem stofnunin gefur út. Einnig er fyrirtækinu óheimilt að koma að vali viðskiptavina á raforkusala.

Með þessu vísast til reglugerðar nr. 1150/2019 um raforkuviðskipti og mælingar og leiðbeiningar Orkustofnunar um notendaskipti og nýtengingar. RARIK vísar einnig til nánari upplýsinga á vef Orkustofnunar þar sem einnig er að finna upplýsingar um það hverjir eru söluaðilar raforku.