Fyrstu haustlægðirnar ganga yfir og RARIK stendur vaktina

Við þessi veðurskilyrði geta komið upp truflanir í dreifikerfi RARIK og í flutningskerfi Landsnets vegna samsláttar og seltu. Að venju stendur starfsfólk RARIK vaktina og er reiðubúið að bregðast við ef þörf krefur. Við viljum minna á bilanasíma RARIK, 528 9000. Við sendum út upplýsingar í SMS skilaboðum til þeirra viðskiptavina sem verða rafmagnslausir. Auk þess geta þau sem eru í netsambandi, fylgst með stöðu mála í rafdreifikerfinu á tilkynningasíðu og í kortasjá.