Þann 20. október var undirritaður samrekstrarsamningur RARIK og HS Orku um tengingu og samrekstur fyrirhugaðrar 9,9 MW Brúarvirkjunar í Tungufljóti við dreifikerfi RARIK.
Virkjunin tengist dreifikerfi RARIK við virkjanavegg. Til að styrkja dreifikerfið verður lagður 33 kV jarðstrengur á næsta ári frá aðveitustöðinni við Reykholt að virkjuninni. Áætlað er að styrking dreifikerfisins vegna tengingar virkjunarinnar verði lokið veturinn 2018-2019.
Brúarvirkjun verður stærsta virkjunin sem tengist raforkukerfinu um dreifikerfi RARIK. Með henni verða virkjanir í kerfi RARIK 33 talsins með um 56 MW málafli samtals. Jafnframt eykst hlutdeild orku frá slíkum virkjunum inn á dreifikerfi RARIK úr 18% í um 26%.
Sími: 528 9000
Opið:
Mán-fim 9-16 og fös 9-15