Eftirfarandi breytingar verða á tveimur verðskrám RARIK 1. janúar 2019:
Verðskrá fyrir flutnings- og dreifikostnað raforku
Verðskrá RARIK fyrir flutnings- og dreifikostnað raforku hækkar um áramótin, bæði í þéttbýli og dreifbýli. Hækkun á töxtum í þéttbýli er 1,9%, en hækkun í dreifbýli er 2,6%. Þessar hækkanir eru tilkomnar vegna hækkunar á dreifikostnaði RARIK.
Þjónustugjöld samkvæmt III kafla verðskrár hækka um 3,1% frá sama tíma, ef undan eru skilin gjöld vegna vanskilainnheimtu sem eru samkvæmt 6 gr. reglugerðar 37/2009 með síðari breytingum. Umrædd hækkun er aðeins undir verðlagshækkunum sl. 12 mánaða.
Verðskrá fyrir innmötun raforku
Verðskrá RARIK fyrir innmötun raforku breytist frá og með 1. janúar 2019 til samræmis við breytta verðskrá Landsnets frá sama tíma. Um er að ræða ársfjórðungslega breytingu á tapaþætti í verðskrá Landsnets sem áhrif hefur á innmötunarverðskrá RARIK.
Sími: 528 9000
Opið:
Mán-fim 9-16 og fös 9-15