Sækja þarf um heimild til flutnings á farmi undir raflínur ef hlutur sem flytja á hefur meiri flutningshæð en 4,2 m. Umsókn skal berast rafrænt til RARIK a.m.k. 10 virkum dögum fyrir áætlaðan flutning.
Ef flytja á hlut á vegum þar sem raflínur þvera, er mikilvægt að skoða flutningshæð hlutar og hæð þeirra lína sem um ræðir. Háfermisflutningur telst vera sá flutningur sem er hærri en 4,2 m skv. skilgreiningu í vegalögum. Ef flutningshæð farms er svo mikil að ekki telst öruggt að flytja hann undir viðkomandi línu þá þarf að taka rafmagn af línunni og jafnvel að taka hana í sundur. Slíkar aðgerðir valda rafmagnsleysi hjá viðskiptavinum RARIK. Tímasetning á slíkum aðgerðum er ákvörðun RARIK og er leitast við að viðskiptavinir verði fyrir sem stystu rafmagnsleysi.
RARIK metur kostnað vegna aðgerða sem útgáfa heimildarinnar felur í sér út frá þeim forsendum sem fyrir liggja og gerir umsækjanda tilboð í ljósi þeirra. Umsækjandi þarf að staðfesta það tilboð áður en verk getur hafist. Kostnaður verður innheimtur samkvæmt fyrirliggjandi tilboði nema að forsendur verks breytist af hálfu viðskiptavinar. Í slíkum tilfellum áskilur RARIK sér rétt til að krefjast greiðslu vegna viðbótarkostnaðar.
Athugið að einnig getur verið nauðsynlegt að hafa samband við Landsnet vegna raflína í þeirra eigu og er það á ábyrgð þess sem fyrir flutningnum stendur að gera það.
Sími: 528 9000
Opið:
Mán-fim 9-16 og fös 9-15