Fellivalmynd
Rarik
Leit
Leit

Dagur rafmagns

Í dag, fimmtudaginn 23. janúar er haldið upp á dag rafmagns á Norðurlöndum. Þetta er mánuði eftir vetrarsólstöður og við merkjum að daginn er aftur tekið að lengja eftir dimmasta skammdegi vetrarins. Í tilefni dagsins bauð Samorka í morgun til opins fundar á Grand hóteli undir yfirskriftinni Framvarðasveit í fárviðri.

Allt umhverfi okkar verður sífellt háðara rafmagni og ekkert bendir til að sú þróun muni breytast heldur þvert á móti. Rafmagnsflutningar aukast og viðkvæmum raftækjum sem þola illa flökt í straumi fjölgar og krafa notenda um gæði og afhendingaröryggi rafmagns vex að sama skapi.

Nýafstaðin óveður í desember síðast liðnum og svo aftur nú í janúar hafa minnt okkur rækilega á mikilvægi rafmagnsins og nauðsyn þess að rafstraumurinn í veggnum, hvort sem er á heimili eða á vinnustað, sé jafn og stöðugur og rofni ekki. Starfsmenn RARIK og annarra orkufyrirtækja, sem staðið hafa í ströngu undanfarið, við að bregðast við afleiðingum ofsaveðra verða áfram í viðbragðsstöðu.

 

Dreifikerfi RARIK er það umfangsmesta í landinu og nær til um 90% af sveitum landsins og til 43 þéttbýliskjarna. Undanfarin ár hefur verið unnið markvisst að auka og bæta afhendingaröryggi rafmagns, meðal annars með því að færa strengi í jörð og minnka þannig veðurálag á dreifikerfið. Nú er svo komið að um 65 prósent af öllu dreifikerfi RARIK er komið í jarðstrengi og er stefnt að því að ljúka endurnýjun alls loftlínukerfis RARIK með jarðstrengjum árið 2035.

 

Í tilefni af degi rafmagnsins fimmtudaginn 23. janúar bauð Samorka sem fyrr segir til opins fundar á Grand hóteli í Reykjavík þar sem meðal annars var fjallað um þær aðstæðum sem upp komu í nýafstöðnu fárviðri og voru sýndar myndir frá þeim verkefnum sem framvarðasveit orku- og veitufyrirtækja sinntu við erfið skilyrði.

 

Fundurinn stóð frá klukkan 9:00 til 10:30 og var dagskrá hans sem hér segir:

  • Að standa í storminum - Guðmundur Ingi Ásmundsson, forstjóri Landsnets
  • Þegar raforkukerfið brestur - Tryggvi Þór Haraldsson, forstjóri RARIK
  • Sögur úr loftlínunni - Malín Frid, Veitum, harðasti iðnaðarmaður landsins 2019
  • Starfshópur stjórnvalda um úrbætur á innviðum - Benedikt Árnason, forsætisráðuneytinu
    Fundarstjóri: Lovísa Árnadóttir, upplýsingafulltrúi Samorku

 

Erindi forstjóra RARIK á fundinum:

Þegar raforkukerfið brestur

 

 

Viðgerð á Skagalínu í óveðrinu í desember 2019
Viðgerð á Skagalínu í óveðrinu í desember 2019.

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

RARIK ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

SKIPTIBORÐ

Sími: 528 9000
Fax: 528 9009
Opið:
Mán-fim 8-16 og fös 8-15

BILANAVAKT ALLAN SÓLARHRINGINN

Bilanir Vesturl.: 528 9390
Bilanir Norðurl.: 528 9690
Bilanir Austurl.: 528 9790
Bilanir Suðurl.: 528 9890
Rarik