Á fundi stjórnar RARIK 17. mars sl. var tekin ákvörðun um hækkun á verðskrám fyrir hitaveitur og rafkyntar hitaveitur og tóku þær gildi frá og með 1. maí 2023.
Um er að ræða 4,3% hækkun á verðskrá tengigjalda og á verðskrám fyrir hitaveitur RARIK og rafkynta fjarvarmaveitu á Seyðisfirði. Undan er skilin hitaveitan á Siglufirði, en ekki er lögð til hækkun á verðskrá hennar vegna þess að afkoman er ásættanleg. Hækkunin er að öðru leyti í samræmi við breytingar á vísitölu neysluverðs.
Verðskrá hitaveitna hefur almennt fylgt vísitölu neysluverðs. Ef verðið fylgdi breytingu á viðmiðunarvísitölu að fullu ætti hækkunin að vera meiri eða um 6,7%.
Þann 1. maí bættist einnig við svohljóðandi skýring á taxta H61, sem er sala til minni notenda í dreifbýli í Dalabyggð:
„Eftir tilkomu orkumæla stefnir RARIK á að afleggja sölu um hemil úr hitaveitukerfi RARIK og í stað þess að taka upp sölu um orkumæla. Því er taxti H61 ekki í boði fyrir nýja notendur.“
Ástæða þessarar breytingar er sú að með tilkomu orkumæla á hitaveituvatni er greitt fyrir þá orku sem um mælinn fer á hverjum tíma, en ekki greitt fyrir fast magn sem hemill er stilltur á óháð þörf. Þegar álag er lítið getur það leitt til sóunar á takmarkaðri auðlind. Einnig getur lág stilling á hemli valdið vatnsskorti hjá viðskiptavinum á álagstoppum.
Sími: 528 9000
Opið:
Mán-fim 9-16 og fös 9-15