Verðskrá fyrir dreifingu og flutning raforku

RARIK ohf. dreifir raforku til viðskiptavina á þann hátt og við því verði sem hér segir: Raforka til húshitunar ber 11% VSK. Jöfnunargjald er greitt í ríkissjóð.

RARIK ohf. dreifir raforku til viðskiptavina á þann hátt og við því verði sem hér segir:

• Raforka til húshitunar ber 11% VSK.
• Dreifbýlisframlag er greitt úr ríkissjóði.
• Jöfnunargjald er greitt í ríkissjóð.

Ýmsar skýringar

1. Þéttbýli / Dreifbýli
Mörk þéttbýlis og dreifbýlis í verðskrá þessari byggja á reglugerð 1040/2005 gr.25. Þéttbýlismörkin má sjá á myndum á heimasíðu RARIK.

2. Jöfnunargjald / Dreifbýlisframlag
Jöfnunargjaldi er lagt á alla raforkudreifingu sem fer um dreifiveitur landsins samkvæmt lögum um jöfnun kostnaðar við dreifingu raforku nr. 98 frá 9. júní 2004 með síðari tíma breytingum, og hefur verið lagt við endanleg verð bæði í þéttbýli og dreifbýli. Endanlegt verð í dreifbýli samkvæmt verðskrá þessari eru verð til viðskiptavina eftir að forgangsdreifing hefur verið lækkuð sem nemur dreifbýlisframlagi samkvæmt umræddum lögum.

3. Straumgildi (A=Amper)
Leyfilegar varstærðir eða stillingar varrofa í orkutöxtum miðað við aðalvör í töflu viðskiptavinar eða kvíslvör að mæli skulu ráðast af tilgreindri varstærð í taxtaheiti. Í taxtaheiti er tilgreind varstærð fyrir þriggja fasa mæli, en varstærð fyrir einfasa mæli skal taka mið af samsvarandi afli. Orkutaxtar eru ekki heimilaðir fyrir varstærðir yfir 500A.

4. Taxtaheiti
Annar stafurinn í taxtaheitinu gefur tegund gjaldtökunnar til kynna, þannig:

O fyrir orkutaxta
A fyrir afltaxta
L fyrir leigutaxta
I fyrir innheimtu
Þ fyrir þjónustu

5.Virðisaukaskattur (VSK) og niðurgreiðslur
Sjötti stafurinn bætist við taxtaheitið á reikningi til að gefa til kynna þann VSK sem við á og hvort rafhitaniðurgreiðsla er á taxtanum eða ekki, þannig:

A þýðir að taxtinn ber almennan VSK 24% og er án niðurgreiðslu á rafhitun.
B þýðir að taxtinn er fyrir sammælingu á almennri notkun og rafhitun. 15% notkunar bera almennan VSK24% og 85% notkunar bera VSK fyrir rafhitun 11% og að taxtinn er ekki með niðurgreiðslu á rafhitun.
C þýðir að taxtinn er fyrir sammælingu á almennri notkun og rafhitun. 15% notkunar bera almennan VSK 24% og 85% notkunar bera VSK fyrir rafhitun 11% og að á taxtanum er niðurgreiðsla á rafhitun.
N þýðir að taxtinn ber VSK fyrir rafhitun 11% og að á taxtanum er niðurgreiðsla á rafhitun.
H þýðir að taxtinn ber VSK fyrir rafhitun 11% en að taxtinn er ekki með niðurgreiðslu á rafhitun.

Taxtar og tímabil

6. Tímabil þrígjaldstaxta og aflmælingar

Sumar
Tímabilið frá og með 1. maí til og með 30. september.

Vetur
Tímabilið frá og með 1. október til og með 30. apríl.

Nætur
Allar nætur frá klukkan 23.00 til klukkan 07.00.

Dagar
Allir dagar frá klukkan 07.00 til klukkan 23.00.

7. Skilyrði þrígjaldstaxta
Sé þrígjaldstaxti notaður samhliða öðrum töxtum, skal sá sérmældi kerfishluti viðskiptavinar fasttengdur ákveðnum tækjum og með öllu er óheimilt að tengja aðra kerfishluta viðskiptavinar þar við. Einnig er óheimilt að færa notkun af hinum sérmælda kerfishluta yfir á mælingu fyrir aðra taxta.

8. Ótryggð orkudreifing
Ótryggð orkudreifing er seld samkvæmt sérsamningum og er bundin sérstökum skilmálum, meðal annars um fulla heimild til rofs. Taxtar VO610, VO611, VO630 og VO631 eru miðað við að afhending fari fram á háspennu. Ákvörðun um taxta er háð nýtingartíma.

Hafi viðskiptavinur dreifiveitu að lágmarki 4.500 klst. nýtingartíma á ári, síðasta almanaksár greiðast eftirleiðis, meðan nýtingartími er yfir 4.500 stundir á almanaksári,samkvæmt taxta VO610 eða VO630 eftir því sem við á annars greiða viðskiptavinir eftir taxta VO611 og VO631. Nýtingartími nýrra viðskiptavina dreifiveitna skal metinn að loknu fyrsta almanaksári viðskipta og skal hann fram að þeim tíma fara í hærri gjaldflokkinn.

Nýtingartími reiknast sem meðaltal fjögurra 60 mínútna mánaðarafltoppa ársins og orkumagn ársins, að teknu tilliti til þess tíma sem skerðingar Landsnets stóðu yfir.

Taxtar VO510 eru einungis seldir samkvæmt sérsamningum sem gerðir voru fyrir 31.12.2004.

9. Fastagjöld
Þar sem að uppsettir eru fleiri en einn orkumælir að ósk viðskiptavina er innheimta fastagjald af hverjum mæli.

Ýmislegt um reikniaðferðir

Ýmislegt um reikniaðferðir

10. Orkutöp orkudreifingar
Reynist orkutöp vegna orkudreifingar vera umfram 2% á töxtum VA410, VA430, VO610, VO611, VO630 og VO631 og umfram 6% á töxtum VO510 og VO530 er dreifiveitunni heimilt að innheimta raunkostnað hjá viðskiptavini vegna tapa umfram þessi mörk.

11. Aflgjald og sölutoppur
Aflgjald reiknast af sölutoppi ársins. Afltoppar, sem notaðir eru við útreikning á sölutoppi, eru mældir 60 mínútna meðaltoppar.

Í hverjum almanaksmánuði er reiknaður út sá toppur sem til álita kemur við útreikning á sölutoppi ársins, svokallaður mánaðartoppur.

Sölutoppur ársins reiknast síðan sem meðaltal fjögurra hæstu mánaðartoppanna. Sölutoppurinn skal að lágmarki vera 20 kW. Viðskiptavini með lægri útreiknaðan sölutopp er þó heimilt að kaupa raforku samkvæmt afltaxta, enda greiði hann þá að lágmarki fyrir 20 kW.

12. Útreikningur mánaðartopps afltaxta
Aflmælingin byggist á skráningu allra 60 mínútna gilda mánaðarins (er tímamæld) og eru allir afltoppar að sumri og á vetrarnóttum margfaldaðir með stuðlinum 0,7 áður en mánaðartoppurinn er fundinn.

13. Aðferðafræði við mánaðaruppgjör afldreifingar
Grundvöllur gjaldtöku fram eftir ári og við uppgjör í árslok er meðaltal fjögurra hæstu mánaðartoppa ársins, sem komnir eru eða allra mánaðartoppa ef komnir eru fjórir eða færri. Þetta meðalafl er margfaldað með ársverði og fjölda mánaða, sem liðnir eru, deilt með tólf. Gjaldtaka fyrir fyrri mánuði er dregin frá. Þessi aðferð leiðir til þess að afluppgjör er leiðrétt út frá rauntölum við hver mánaðamót.

14. Skilyrði afltaxta
Afltaxtarnir: VA110, VA130, VA210, VA230, VA410 og VA430 eru veittir fyrir heildarmælingu á allri notkun á hverjum notkunarstað og verða ekki aðrir liðir veittir samhliða þeim. Heimilt er þó að mæla rafhitun sérstaklega þar sem hún ber annan virðisaukaskatt og viðskiptavinur á ekki endurgreiðslurétt á honum. Afltaxti er árstaxti og breyting á taxta skal að öðru jöfnu vera miðaðar við áramót.

15. Skilyrði afltaxta 3 (410 og 430)
Um afltaxta 3 gilda skilyrði afltaxta og aðferðafræði við mánaðaruppgjör aflsölu. Ennfremur gildir að afhendingarstaður skal vera á háspennu. Tengigjald skal vera skv. almennri tengigjaldskrá, enda sé afhendingarstaður innan 1 km lagnaleiðar frá afhendingarstað Landsnets. Kostnað umfram 1 km greiðir notandi að fullu samkvæmt reikningi. Komi til afhendingar á lágspennu reiknast 6 % álag á orkugjald og aflgjald á umræddum töxtum. RARIK áskilji sér rétt til að endurreikna tengigjald ef notendur færast af öðrum taxta yfir taxta VA410 og VA430.

16. Skilyrði afltaxta 5 (710 og 730)

Taxti þessi er ætlaður notendum sem kaupa á háspennu yfir 2 MW og eru með yfir 7.000 tíma ársnýtingu, og lágmarks kaupskylda því 14 GWh á ári. Taxti þessi er í boði allt að 10 km frá afhendingarstað Landsnets.

Fyrir notkun á taxta þessum er sendur út áætlaður reikningur fyrir notkun í mánaðarbyrjun (byggt á kaupskyldu) og uppgjörsreikningur mánaðarmótin á eftir.

Um afltaxta 5 gilda að öðru leyti skilyrði annarra afltaxta og aðferðafræði við mánaðaruppgjör aflsölu.

Umræddir taxtar eru veittir fyrir heildarmælingu á allri notkun á hverjum notkunarstað og verða ekki aðrir verðskrárliðir veittir samhliða þeim. Afltaxti er árstaxti og breyting á taxta skal að öðru jöfnu vera miðaðar við áramót.

Tengigjald skal vera skv. tengikostnaðartilboði hverju sinni, og greiðist allur sérgreinanlegur kostnaður að fullu

.

Samningur þessi er ekki í boði nema gegn langtímasamningi (að jafnaði a.m.k. 5 ár) og að lágmarks orkumagn sé greitt.

RARIK heimilar ekki flutning af öðrum töxtum yfir á taxta 7XX nema að til komi greiðsla viðbótar tengigjalds samkvæmt reglum hér að ofan. Endurreiknaður tengikostnaður verður því innheimtur, þó á þann hátt að sé um sama lögaðila að ræða lækkar hann um 10% fyrir hvert ár sem liðið er frá þeim tíma sem tenging átti sér stað. Stækkun á tengingu greiðist samkvæmt tilboði hverju.

Samningsaðili samkvæmt umræddum taxta telst ekki vera almennur notandi samkvæmt lögum um jöfnun kostnaðar við dreifingu raforku nr. 98/2004 með síðari tíma breytingum, enda er ekki boðið upp á taxtann nema þétt við aðveitustöð með sömu einingaverðum bæði í þéttbýli og dreifbýli, og því fær viðkomandi ekki dreifbýlisframlag.

RARIK áskilji sér rétt til að endurreikna tengigjald ef notendur færast af öðrum taxta yfir taxta VA710 og VA730

17. Ómæld smánotkun VA310 og VA330
Ómæld smánotkun er ætluð fyrir smánotkun varin með 2A öryggi og ætlaða stöðuga orkunotkun allt að 400W. Umræddur taxti er ekki í boði fyrir nýja notendur.

18. Háspennuafsláttur
Á afltöxtum VA210 og VA230 er veittur 4% afsláttur af orkugjaldi og aflgjaldi ef mæling er á háspennu. Ekki er veittur afsláttur af fastagjaldi og fasviksgjaldi.

19. Fasvik
Falli meðalfasviksstuðull í tilteknum mánuði á tímabilinu frá og með 1. október til og með 1. maí, niður fyrir 0,9 er heimilt fyrir þann mánuð að krefjast viðbótarorkugjalds fyrir hvert hundraðshlutastig, eða meirihluta úr stigi, sem meðalfasviksstuðullinn fer niður fyrir slíkt lágmark. Þetta viðbótarorkugjald kallast fasviksgjald í gjaldskránni og grunnur gjaldtökunnar er sama magntala og fyrir orkugjald viðkomandi taxta.

20. Fjarmælir
Skv. ákvæðum raforkulaga ber dreifiveitu að tímaraðamæla hjá viðskiptavinum með ársnotkun yfir 100 kW án sérstakrar gjaldtöku, en öðrum viðskiptavinum og sölufyrirtækjum er gefinn kostur á að leigja fjarmælitæki til tímaraðamælinga gegn gjaldi. Skilyrði fyrir leigu fjarmæla er að leigutaki sé tengdur kerfi dreifiveitunnar.

Fjarmæling er innifalin í fastagjaldi án sérstakrar gjaldtöku ef eitt eða fleiri af neðangreindum skilyrðum eru uppfyllt:

1. Veita á afltaxta.
2. Veita á þrígjaldstaxta.
3. Aðalvör/kvíslvör í töflu 161 A og stærra.
4. Afltoppur hærri en 100 kW síðustu 12 mánuði (miðað við 60 mínútna meðalálag).
5. Ársnotkun meiri en 300.000 kWh.

21. Rafhrútar
Viðskiptavinum er gefinn kostur á að leigja svokallaða rafhrúta sem er búnaður til þess að umbreyta einfasa rafmagni í þrjá fasa þar sem þriggja fasa rafmagn er ekki til staðar. Rafhrútar henta til þess að gera mögulegt að nota þriggja fasa vélar allt að 16 kW þar sem þriggja fasa rafmagn er ekki til staðar og kostnaður við þrífösun er hár. Skilyrði fyrir leigu rafhrúta er að leigutaki sé tengdur kerfi dreifiveitunnar.

Ýmis gjöld

22. Innheimtugjald
Gjald til greiðslu kostnaðar við vanskilainnheimtu, lagt á við útsendingu innheimtubréfs samkvæmt 6 gr. reglugerðar 37/2009 með síðari breytingum.

23. Lokunargjöld
Gjöld til greiðslu kostnaðar við að loka og opna veitu. Dreifiveita annast lokun og opnun hvort heldur er vegna vanskila hjá dreifiveitu eða söluaðila.

24. Mælaálestrar
Aukaálestrar skulu að jafnaði fengnir með sjálfsálestri viðskiptavinar sem komið er til skila gegnum síma, skriflega eða með innslætti á mínum síðum.

25. Viðhaldsgjald götulýsingar
Þar sem innheimt er viðhaldsgjald götulýsingar annast dreifiveitan almennt viðhald á sinn kostnað og er viðhaldsgjaldinu er ætlað að standa straum af því.

26. Útkall
Útkall vegna bilunar sem reynist vera í veitu (kerfi) viðskiptavinar skal hann greiða samkvæmt gjaldskránni.

27. Seðilgjald
Í reglugerð um framkvæmd raforkulaga nr. 1040/2005 segir í 13.mgr. 25.gr. að dreifingaraðilum sé heimilt að innheimta gjöld til að mæta raunkostnaði við mismunandi innheimtuleiðir.

28. Dráttarvextir
Dráttarvextirnir reiknast af vanskilaupphæð frá gjalddaga reiknings til greiðsludags og leggjast dráttarvextirnir við næsta útgefna reikning. RARIK reiknar dráttarvexti af vanskilakröfum í samræmi við gildandi dráttarvaxtaprósentu töflu frá Seðlabanka Íslands.