Virkjunum sem tengjast beint við dreifikerfi RARIK fjölgar ört. Í dag eru 34 slíkar virkjanir með samtals 46 MW afl. Á síðasta ári framleiddu þær 245 GWh samtals en það samsvarar liðlega 20% af allri orkudreifingu RARIK.
Nokkur hluti orkuvinnslu þeirra rennur þó til baka til flutningskerfisins þegar svo háttar að vinnsla virkjana er meiri heldur en nemur notkun á því dreifiveitusvæði sem þær tengjast. Um 80% af orkuvinnslu þeirra fór á síðasta ári beint til dreifingar í dreifikerfinu en umframgetan skilaði sér inn á flutningskerfið til dreifingar annars staðar á landinu.
Síðasta virkjunin sem tengd var við dreifikerfi RARIK er Urðarfellsvirkjun í landi Húsafells og er í eigu Ferðaþjónustu Húsafells ehf. Er hún 1.107 kW að málafli og með áætlaðri 8 GWh orkuvinnslu og hóf rekstur þann 6. mars sl.
Í undirbúningi er bygging fleiri virkjana og má búast við því að virkjunum tengdum dreifikerfinu fjölgi enn frekar á næstu árum.
Virkjun tengd dreifikerfi RARIK | Tengiár | Afl (kW) |
Bjarnarflag | Fyrir 1980 | 2.500 |
Grimsárvirkjun | Fyrir 1980 | 2.800 |
Rjúkandavirkjun | Fyrir 1980 | 1.680 |
Skeiðsfossvirkjun I | Fyrir 1980 | 3.200 |
Skeiðsfossvirkjun II | Fyrir 1980 | 1.600 |
Smyrlabjargarárvirkjun | Fyrir 1980 | 1.000 |
Sleitustaðavirkjun | 1985 | 218 |
Koltunguvirkjun (Þorvaldseyri) | 2001 | 17 |
Rollulækjarvirkjun (Króksmenn) | 2001 | 55 |
Beinárvirkjun (Hótel Geysir | 2003 | 65 |
Kerahnjúkavirkjun | 2003 | 370 |
Sandárvirkjun IV | 2003 | 245 |
Kiðárvirkjun I | 2004 | 150 |
Kiðárvirkjun II | 2004 | 400 |
Stuttárvirkjun | 2004 | 13 |
Árteigsvirkjun 4 | 2005 | 500 |
Múlavirkjun | 2005 | 3.100 |
Sandárvirkjun V | 2005 | 456 |
Lindavirkjun | 2006 | 638 |
Systragilsvirkjun | 2006 | 108 |
Ljósárvirkjun | 2007 | 980 |
Selárvirkjun | 2007 | 170 |
Bjólfsvirkjun | 2008 | 6.400 |
Gúlsvirkjun | 2009 | 3.400 |
Árteigsvirkjun 5 | 2009 | 715 |
Belgsholt | 2011 | 30 |
Rangárvirkjun | 2012 | 160 |
Köldukvíslarvirkjun | 2013 | 2.790 |
Bugavirkjun | 2014 | 45 |
Vindorkugarður við Þykkvabæ | 2014 | 600 |
Mosvallavirkjum | 2015 | 896 |
Gönguskarðsárvirkjun | 2015 | 1.624 |
Andakílsárvirkjun | 2017 | 8.000 |
Urðarfellsvirkjun | 2018 | 1.107 |
Samtals | 46.032 |
Stærstu virkjanir landsins eru tengdar Landsneti, en fjöldi einkavirkjana og smærri virkjanir RARIK og Orkusölunnar eru tengdar dreifikerfi RARIK beint.
Sími: 528 9000
Opið:
Mán-fim 9-16 og fös 9-15