Víðtækt rafmagnsleysi í Eyjafirði

Rafmagnsleysi er á Akureyri og víða í Eyjafirði vegna truflunar í flutningskerfi Landsnets. Samkvæmt vef Landsnets kemur eftirfarandi fram: „66 kV leysa út í tengivirkinu á Rangaárvöllum með þeim afleiðingum að rafmagnslaust er á Akureyri, Dalvík, Eyjafirði og nágrenni. Unnið er að uppbyggingu á Raforkukerfinu." Vonast er til að uppbygging kerfisins taki ekki langan tíma.

Frekari upplýsingar má finna á vef Landsnets.

---

Uppfært 07.08.2020:

Truflun í aðveitustöð Landsnets Á Rangárvöllum lauk klukkan 13:17 þann 5. ágúst 2020. Flestir viðskipavinir RARIK voru komnir með rafmagn upp úr klukkan 14:15. Eftir það urðu þó einhverjir fyrir truflunum á afhendingu rafmagns sem lauk ekki fyrr en klukkan 18:15.