Við flytjum

Eftir áratuga veru við Hlemm, höfum við flutt skrifstofur okkar í Reykjavík í nýtt húsnæði við Dvergshöfða 2. Þá mun Orkusalan ehf verða í sama húsi.

Rarik leigði fyrrverandi húsnæði við Rauðarárstíg af fasteignum ríkissjóðs í 28 ár. Húsnæðið var fyrir löngu orðið óhentugt fyrir reksturinn, aðkoma erfið fyrir viðskiptavini og bílastæði af skornum skammti.

Hið nýja húsnæði er í eigu BYGG og er innréttað og sniðið að þörfum Rarik í takt við nútímakröfur. Gerður var leigusamningur nokkur ár fram í tímann. 

Innkeyrsla að nýja húsinu er frá Dvergshöfða. Símanúmer verða óbreytt.