Uppfært 04.06.2019:
Um kl. 01:20 aðfaranótt laugardagsins náðist að tengja varaspenna fyrir Laxársvæðið og var Dieselkeyrslu hætt í kjölfarið. Beðið var með að spennusetja 33kV línu til Húsavíkur og var Húsavík því rekin áfram frá Bakka um nóttina. Um kl. 12:00 á sunnudag var álag á Húsavík flutt á Húsavíkurlínu og kerfið þá rekið að mestu á eðlilegan hátt.
Spennirinn sem bilaði, var í gær mánudaginn 3. júní, fluttur til Reykjavíkur til skoðunar og viðgerðar en búast má við að kerfið verði rekið með varaspennum næstu vikur og mánuði.
Fyrst birt á vef 31.05.2019:
Klukkan 04:40 í nótt leysti út í aðveitustöðinni Laxá og varð straumlaust í suður-Þingeyjarsýslu, þ.m.t. á Húsavík. Straumleysið má rekja til bilunar í spenni 4 í Laxá sem er í eigu Landsnets. Mjög fljótlega var farið að vinna í að virkja varatengingar inn á svæðið. Rétt fyrir klukkan 9 í morgun voru allir á Húsavík komnir með rafmagn og farið var í að koma á rafmagni til nærsveita. Um kl. 10 fór rafmagnið aftur af öllu svæðinu en um klukkan 10:45 voru allir almennir notendur RARIK komnir með rafmagn. Unnið verður að viðgerðum á næstu sólarhringum og má búast við einhverjum truflunum vegna þessa. Beðist er velvirðingar á þeim óþægindum sem þetta veldur okkar viðskiptavinum.
Sími: 528 9000
Opið:
Mán-fim 9-16 og fös 9-15