Þriggja daga verk á fjórum tímum

Þar er rætt við Hafliða Bjarka Magnússon rafvirkja og verkstjóra RARIK á Egilsstöðum sem unnið hefur við síðasta áfanga jarðstrengslagnar frá Seyðisfirði um Austdal til Mjóafjarðar. Vegna 400 metra þverhnípis var ekki hægt að plægja strenginn í jörð alla leið heldur þurfti að byggja upp möstur sem halda um 900 metra spenni frá brún Brekkugjár og niður í Brekkudal. Í viðtalinu við Austurfrétt segir Hafliði Bjarki að reiknað hafi verið með að það myndi taka þrjá daga að ljúka þessum síðasta hluta verksins. Með því að nota þyrlu hafi það hins vegar aðeins tekið fjóra tima að strengja vír á milli mastra á þessum erfiða stað. „Það er komið fram í seinni hlutann í október og um tíma vorum við að velta því fyrir okkur að fresta þessu verki fram á næsta vor,“ segir Hafliði í viðtali við Austurfrétt.

• Hér má sjá umfjöllun Austurfréttar