Sveitarfélagið Fjarðabyggð eignast götulýsingarkerfið

Uppsetning og rekstur götuljósa var eitt sinn hluti af reglulegri starfsemi dreifiveitna, en skv. raforkulögum nr. 65/2003 fellur götulýsing hvorki undir einkaleyfisstarfsemi dreififyrirtækja né kemur inn í tekjuheimildir þeirra. Götulýsingarkerfin á orkuveitusvæði RARIK hafa þó fram til þessa verið bókfærð hjá dreifiveitunni, en sveitarfélögin hafa greitt stofnkostnað og rekstur þeirra.

Það þarf að breyta þessu á þann veg að sveitarfélögin yfirtaki eignarhald og rekstur þeirra götulýsingarkerfa sem eru á þeirra ábyrgð. Sveitarfélagið Ölfus var fyrsta sveitarfélagið á orkuveitusvæði RARIK sem reið á vaðið með þetta og í kjölfarið Akureyrarbær og nú Fjarðabyggð.

Sjá frétt um sama mál á vef Fjarðabyggðar.