Snjallmælavæðing hjá RARIK

Nýju raforkumælarnir eru snjallmælar með samskiptabúnað sem skilar upplýsingum um notkun til miðlægrar safnstöðvar RARIK og því munu heimsóknir á vegum fyrirtækisins til að lesa á mæla viðskiptavina leggjast af. Um leið og kerfið er tekið í notkun munu reikningar byggja á upplýsingum um raunverulega notkun hvers mánaðar í stað áætlunar og uppgjörsreiknings í kjölfar álesturs.

Með þessum breytingum gefst viðskiptavinum möguleiki á að grípa fyrr inn í ef orkunotkun þykir óeðlileg og á sama tíma getur RARIK vaktað afhendingarspennu hjá viðskiptavinum sínum. Eins og áður geta viðskiptavinir fylgst með notkun sinni á mínum síðum á vef fyrirtækisins rarik.is.