Sjálfsálestur raforkumæla

Undanfarin 3 ár hafa valdir viðskiptavinir okkar fengið heimsent bréf um sjálfsálestur raforkumæla einu sinni á ári. Samkvæmt raforkulögum er dreifiveitum heimilt að sækja álestra með sjálfsálestri, þó þannig að fjórða hvert ár verður álesari Rarik að lesa af.

Óhætt er að segja að viðtökur viðskiptavina hafi verið mjög góðar, og batnað ár frá ári og er nú svo komið að um 40% svörun hjá þeim sem að fá álestrarbréf. Flestir setja umræddan álestur inn á vef Rarik þó nokkrir hringi álesturinn inn til fyrirtækisins.

Sjálfsálestrar spara starfsfólki okkar álestra og viðskiptavinum ónæði og til lengri tíma litið lækkar kostnað sem á endanum speglast í gjaldskrám okkar.