Um þessar mundir standa yfir rannsóknarboranir á Reykjum við Húnavelli vegna viðbótar vatnsöflunar fyrir hitaveitu Blönduóss og Skagastrandar.
Tilgangur þeirra er að auka á jarðfræðiþekkingu á svæðinu með það fyrir augum að staðsetja nýja vinnsluholu á svæðinu. Fyrirtækið Alvarr ehf. var valið að loknum verðfyrirspurnum til að sjá um að bora holurnar og er reiknað með að því verki ljúki í janúar n.k.
Ísor (Íslenskar Orkurannsóknir), ráðgjafi RARIK á svæðinu, lagði til staðsetningu á umræddum holum og sér um úrvinnslu gagna og rannsóknarvinnu. Um er að ræða borun á sex 80 m djúpum holum. Hitastigull verður mældur og þegar niðurstöður liggja fyrir ætti að vera hægt að staðsetja næstu vinnsluholu á svæðinu. RARIK metur það svo að hana þurfi að bora á næsta ári. Gert er ráð fyrir að niðurstöður rannsókna hjá Ísor liggi fyrir á vormánuðum 2019.
Sími: 528 9000
Opið:
Mán-fim 9-16 og fös 9-15