Um miðjan október var unnið að lagningu jarðstrengs undir Haukadalsá í Dölum en hann er hluti af nýjum átta kílómetra rafstreng milli Þorbergsstaða og Álfheima og mun leysa af hólmi loftlínu sem þar er núna.
Það þurfti öfluga hátt í 40 tonna gröfu með fimm tonna blaði til að saga rauf fyrir línuna í árbotninn og var beðið með þá framkvæmd þar til veiðitímabilinu í Haukadalsá var lokið. Þegar lagningu strengsins yfir ána er lokið verður sett upp rofastöð við Álfheima og í framhaldinu verður strengurinn spennusettur og byrjað að tengja notendur við nýjar spennistöðvar.
Strengurinn gegnir mikilvægu hlutverki sem tenging milli Vogaskeiðs og Glerárskóga í truflana- og viðhaldstilvikum og munu notendur sem tengjast dreifilínunni milli Þorbergsstaða og Álfheima njóta aukins afhendingaröryggis og losna við truflanir vegna veðurs og áflogs fugla á loftlínuna sem senn verður tekin niður.
Sími: 528 9000
Opið:
Mán-fim 9-16 og fös 9-15