Aðfaranótt sunnudags skall á mikið óveður sem gekk yfir allt landið og stóð það á annan sólarhring. Truflanir urðu í dreifikerfi RARIK af þessum völdum og varð rafmagnslaust hjá um 5.000 heimilum og vinnustöðum í mislangan tíma á þessu tímabili, mest á Suðurlandi.
Ástæða truflana var vindur, ísing, snjór og selta. Aðstæður til bilanaleitar og viðgerða voru víða mjög erfiðar, en viðgerðir gengu yfirleitt vel. Á Vesturlandi voru sex atburðir skráðir, á Austurlandi einn og á Suðurlandi þrettán. Allir eiga að vera komnir með rafmagn aftur, en enn er unnið að viðgerðum á nokkrum stöðum. Það má búast við einhverju rafmagnsleysi þegar verið er að færa kerfið yfir í eðlilegan rekstur eftir viðgerðir.
Sími: 528 9000
Opið:
Mán-fim 9-16 og fös 9-15