Ný aðveitustöð í Vík

Mikil uppbygging hefur verið á svæðinu undanfarið og því þörf á að endurnýja og efla búnaðinn. Stöðin sem var spennusett 6. september sl. er með 19 og 33 kV rofabúnað auk 33/19 kV spennis og annar hún ríflega þrefalt meira álagi en sú eldri. Gamla aðveitustöðin sem hefur þjónað Vík og nágrenni frá árinu 1982 verður lögð niður en í húsnæði hennar verður áfram starfrækt varaaflsstöð. Kostnaðaráætlun fyrir verkið í heild var 191,6 milljónir króna og þó að uppgjöri sé ekki að fullu lokið er ljóst að áætlunin mun standa.