Niðurstöður útboða á raforkukaupum

Útboðin voru auglýst á Evrópska efnahagssvæðinu og hafði verkfræðistofan Efla umsjón með báðum útboðum. Fimm tilboð bárust í hvoru útboði og mælir Efla með að gengið verði til samninga við lægstbjóðendur í báðum tilfellum.

Í útboði á raforkukaupum til eigin nota RARIK, það er vegna notkunar á útgerðarstöðum, skrifstofum, aðveitustöðvum, auk annarrar mældrar forgangsorkunotkunar var Orkusalan lægstbjóðandi en hún bauð 3,89 kr/kWst. Í útboði á raforkukaupum vegna tapa í dreifikerfi RARIK átti ON lægsta boð og er meðalverð í tilboði þeirra 4,08 kr/kWst.

Ákveðið hefur verið að taka tilboðum lægstbjóðenda og er miðað við að á næstunni verði gengið frá samningum við þá, en samningarnir taka gildi um næstu áramót.