Á dögunum komu hressir nemendur úr Heppuskóla, unglingadeild Grunnskóla Hornafjarðar, í heimsókn í stöðvarhús RARIK á Höfn í Hornafirði. Starfsmenn RARIK tóku vel á móti þeim og veittu góða kynningu á starfseminni í húsinu þar sem bæði er starfrækt aðveitustöð og kyndistöð fjarvarmaveitunnar á Höfn.
Heimsóknin var liður í að undirbúa eðlisfræðikennslu í rafmagnsfræði og að koma inn á breytingarnar sem framundan eru í nærumhverfinu þegar hitaveita tekur við af fjarvarmaveitu, með tilkomu stofnpípu frá Hoffelli að Höfn sem áætlað er að ljúka við í lok næsta árs. Hópurinn sem samanstóð af nemendum og kennurum var sannarlega áhugasamur um orku og orkunotkun, virkni og tilgang hinna ýmsu tækja í stöðvarhúsinu. Mikið var spurt eins og gengur í stórum hópi og misjafnt vakti áhuga þeirra.
Sími: 528 9000
Opið:
Mán-fim 9-16 og fös 9-15