Minni rafmagnsnotkun í COVID-19 faraldri

Til að komast hjá óþarflega háum rafmagnsreikningum bendum við þeim sem telja að þetta geti átt við í þeirra rekstri á að tiltölulega auðvelt er að koma í veg fyrir að slíkt gerist.

Hér eru nokkur atriði sem við bendum viðskiptavinum á að athuga:

• Lesa af mæli og fylgjast með notkun.
• Senda álestra á Mínar síður á vef RARIK til að hægt sé að endurskoða áætlaða notkun.
• Draga úr því að kynda ónotuð rými. Raforkunotkun minnkar verulega ef dregið er úr kyndingu.
• Minnka lýsingu eins og kostur er.
• Hafa samband við Viðskiptaver RARIK í síma 528-9000 og láta kanna hvort áætlun sé of há.

Einnig hvetjum við viðskiptavini til að skrá sig inn á Mínar síður til þess að fá upplýsingar um notkun og skoða stöðu. Það er auðvelt að skrá sig með rafrænum skilríkjum eða fá lykilorð sent í heimabanka.