Listahátíðin List í ljósi var haldin í fjórða sinn á Seyðisfirði dagana 15.-16. febrúar en RARIK var nú annað árið í röð einn af bakhjörlum hennar. Frá upphafi hefur RARIK veitt hátíðinni stuðning og hefur hún notið aðstoðar starfsmanna okkar við að slökkva á götuljósum á meðan listagöngunni stendur, þar sem gestir ganga á milli sýningarstaða til að njóta innsetninga og ljósverka af ýmsum toga.
List í ljósi hlaut á dögunum Eyrarrósina sem er viðurkenning sem veitt er framúrskarandi menningarverkefni utan höfuðborgarsvæðisins. Hún beinir sjónum að og hvetur til menningarlegrar fjölbreytni, nýsköpunar og uppbyggingar á sviði menningar og lista. Í umsögn dómnefndar segir að listahátíðinni hafi vaxið ásmegin ár frá ári. „[Hátíðin] laðar nú að sér breiðan hóp listafólks og gesta til þátttöku í metnaðarfullri og fjölbreyttri dagskrá...Sérstök ljósalistahátíð er nýnæmi í íslensku menningarlandslagi og er List í ljósi þegar farin að hafa áhrif langt út fyrir Seyðisfjörð, til að mynda með áhugaverðu samstarfi við Vetrarhátíð í Reykjavík. Það er einstaklega ánægjulegt að sjá listaverkefni á landsbyggðinni taka leiðandi hlutverk á landsvísu á sínu sviði. “
Sími: 528 9000
Opið:
Mán-fim 9-16 og fös 9-15