List í ljósi

Listahátíðin List í ljósi var haldin í þriðja sinn á Seyðisfirði dagana 16.-17. febrúar. Um er að ræða mikla ljósahátíð þar sem er að finna mismunandi listaverk, allt frá stórum sjónrænum innsetningum yfir í myndbandsverk og stuttmyndir eftir innlenda og erlenda listamenn. Aðstandendur hátíðarinnar leggja ríka áherslu á öflugt samtal við nærsamfélagið þar sem bæjarbúar, nemendur, fyrirtæki og stofnanir taka þátt.

Frá upphafi hefur RARIK veitt hátíðinni stuðning og hún notið aðstoðar starfsmanna okkar við að slökkva á götuljósum á meðan á henni stendur. Nú í ár er RARIK að auki einn af þremur bakhjörlum hátíðarinnar.