Líf og fjör hjá RARIK á öskudaginn

Það var að venju gestkvæmt hjá RARIK á öskudaginn þegar börn komu í heimsóknir á starfsstöðvar víða um land og sungu eða höfðu í frammi önnur gamanmál. Börnin undirbjuggu sig vel, máluðu sig og fóru í búninga sem hæfðu tilefninu og á flestum stöðum mátti finna starfsmenn sem höfðu gert hið sama. Að launum fengu þau sætindi og þakklæti starfsmanna enda alltaf gaman að fá káta krakka í heimsókn á öskudaginn.