Það var gestkvæmt hjá RARIK á öskudaginn þegar börn komu í heimsóknir á starfsstöðvar víða um land og sungu eða höfðu í frammi önnur gamanmál starfsmönnum RARIK til ómældrar ánægju. Að launum fengu þau sætindi og þakklæti starfsmanna sem finnst alltaf jafngaman að fá káta krakka í heimsókn á öskudaginn. Börnin létu vont veður ekki aftra sér og eins og sjá má á meðfylgjandi myndum höfðu mörg þeirra undirbúið sig vel, málað sig og farið í búninga sem hæfðu tilefninu. Þarna mátti meðal annars greina alls konar álfa, ofurhetjur og aðrar furðuverur sem áttu það sameiginlegt að skemmta sér vel og safna sælgæti í poka.
Sími: 528 9000
Opið:
Mán-fim 9-16 og fös 9-15