Fjárfestingar á árinu 2017

Áætluð fjárfesting í stofnlínum, aðveitustöðvum og varavélum eru um 1.280 milljónir, m.a. í endurnýjun aðveitustöðva í landi Vatnshamra, í Ólafsvík, Grundarfirði, Vík í Mýrdal og á Flúðum ásamt nýrri aðveitustöð í landi Hnappavalla í Öræfum.

Til framkvæmda við dreifikerfi RARIK er áætlað að verja 1.443 milljónum í dreifbýli og 314 milljónum í þéttbýli. Áætlað er að strenglagnir til endurnýjunar loftlína í dreifbýli verði samtals um 170 km.

Til hitaveituframkvæmda er áætlað að verja um 554 milljónum. Helsta framkvæmdin verður við áframhaldandi borun eftir vatni við Hoffell til að afla vatns fyrir Höfn í Hornafirði.

Aðrar fjárfestingar eru áætlaðar 709 milljónir í orkusölumælum, orkusölukerfi, bílum og tækjum.