Breyting á gjaldskrá fyrir innmötun raforku frá 1. apríl 2022

Taka þær breytingar mið af tillögum vinnuhóps Atvinnuvega‐ og nýsköpunarráðuneytisins um breytingar á starfsumhverfi smávirkjana frá síðasta ári. Felast breytingarnar í að allar virkjanir greiða nú innmötunargjald í samræmi við stærð að teknu tilliti til fyrirvara sem fram koma í skýrslu vinnuhóps um gjaldaumhverfi smávirkjana. Aflgjald í gjaldskrá okkar verður hið sama og í gjaldskrá Landsnets.

Jafnframt fellur niður B-hluti gjaldskrár þar sem tilgreind eru einingarverð endurgreiðslu ávinnings vegna lægri flutningsgjalda dreifiveitu, sbr. ákvæði raforkulaga 4.mgr. 17.gr.a., en nýtt ákvæði  bætist við skýringarkafla sem fjallar um þá endurgreiðslu. Jafnframt eru vinnslueiningar allt að 16 A að stærð nú undanskildar gildissviði gjaldskrárinnar.

• Gjaldskrá fyrir innmötun raforku