ao link
Fellivalmynd
Fara á forsíðu vefsvæðis RARIK
Leit
Leit

Aukin upplýsingagjöf með framkvæmdavefsjá

Á vef RARIK hefur verið opnaður aðgangur að framkvæmdavefsjá fyrirtækisins þar sem hægt verður að nálgast samræmdar upplýsingar um helstu framkvæmdir á vegum RARIK um allt land.

Með framkvæmdavefsjánni vill RARIK tryggja betra aðgengi almennings að upplýsingum um ýmiss verkefni sem eru í vinnslu og sýna stöðu þeirra eins og hún er á hverjum tíma. Upplýsingarnar verða uppfærðar eftir því sem verkefnum vindur fram allt þar til þeim er lokið. Í vefsjánni munu birtast upplýsingar um endurnýjun dreifi- og stofnlínukerfa í dreifbýli hvort sem þau eru á áætlun RARIK um langtíma endurnýjun dreifikerfisins, eru kostuð af notendum eða eru hluti af átaksverkefnum ríkisstjórnarinnar. Þá verða birtar upplýsingar um verkefni sem tengjast endurnýjun búnaðar í aðveitustöðvum og byggingu nýrra aðveitustöðva. 

 

Framkvæmdavefsjána er að finna á Kortasjá á forsíðu vefsins rarik.is. Ef smellt er á framkvæmdaflipa kortasjárinnar opnast framkvæmdavefsjáin og þá birtast framkvæmdir á korti sem hægt er að smella á til að fá nánari lýsingu á einstaka verki auk upplýsinga um verktíma, lengd, legu, spennu jarðstrengs o.fl.

Framkvæmdavefsjáin á forsíðu rarik.is
Framkvæmdavefsjáin á www.rarik.is.

Meðfylgjandi myndir eru frá tveimur þeirra framkvæmda sem unnið hefur verið að í sumar á vegum RARIK og sem hægt er að sækja upplýsingar um í framkvæmdavefsjá. Annars vegar úr Norðurárdal í Borgarfirði en hins vegar frá Hólasandi í Mývatnssveit:

Jarðstrengslögn í Norðurárdal í Borgarfirði
Jarðstrengslögn í Norðurárdal í Borgarfirði.
Jarðstrengslögn á Hólasandi í Mývatnssveit
Jarðstrengslögn á Hólasandi í Mývatnssveit.

Var efnið á þessari síðu hjálplegt?

Takk fyrir framlag þitt

Takk fyrir ábendingarnar

Rarik

RARIK ohf.

Dvergshöfða 2
110 Reykjavík
Kt. 520269-2669
Netfang: rarik@rarik.is

ÞJÓNUSTUVER

Sími: 528 9000

Opið:
Mán-fim 9-16 og fös 9-15

BILANAVAKT ALLAN SÓLARHRINGINN

Sími: 528 9000

 

 

Fylgdu okkur:

Facebook
Rarik