Alvarleg bilun á norðausturhorninu

Ekki er vitað um orsök bilunarinnar á þessu stigi málsins en það er verið að rannsaka það. Við þetta varð allt norðausturhornið frá Kelduhverfi austur að Bakkafirði varð rafmagnslaust, þar með talið Kópasker, Raufarhöfn og Þórshöfn. Keyrðar voru upp varavélar á Raufarhöfn og Þórshöfn og færanleg varavél flutt á svæðið. Við keyrslu varaafls í nótt, kviknaði eldur í varaaflsstöðinni á Þórshöfn og þurfti að kalla þurfti út slökkvilið Langanesbyggðar og vel gekk að slökkva eldinn. Flestir voru komnir með rafmagn aftur kl. 2:42, en notendur í Kelduhverfi og við Öxarfjörð sem tengdir eru við aðveitustöð Lindarbrekku voru lengur rafmagnslausir. Þeir fá nú rafmagn frá varavél og þeir síðustu voru komnir með rafmagn rétt fyrir klukkan 7 í morgun. Keyrt verður varaafl á hluta svæðisins fyrir Kelduhverfi og Öxarfjörð þar til búið er að gera við línuna og skipta um spenninn sem skemmdist. Einhverjar truflanir geta átt sér stað á meðan á viðgerð stendur og beðist er velvirðingar á þeim óþægindum sem það kann að valda.