Frágangur heimtaugar
Fyrir heimtaugastrenginn skal leggja 50 mm plastpípu að lóðarmörkum, eða a.m.k. 20 m í átt að þeim sé um meiri vegalengd að ræða. Húseigandi grefur fyrir heimtauginn innan lóðar viðkomandi húss.
Mælar eru settir upp utanhúss í sérstökum mælakössum sem RARIK samþykkir. Húseigandi leggur til slíkan mælakassa sem rafverktaki kemur fyrir á norðurhlið, eða skv. samþykktri teikningu, og tengir stofn og heimtaug.
Hæð undir neðri brún mælakassa sé 1,5 m.
Umsókn
Umsókn þarf að berast með góðum fyrirvara. Að jafnaði eru heimtaugar aðeins afgreiddar að sumarlagi.
Umsóknareyðublöð fást á skrifstofu RARIK í Reykjavík, svæðisskrifstofum og útibúum.
Ennfremur má nálgast eyðublöð á heimasíðu RARIK, http://www.rarik.is/.
Til að hægt sé að afgreiða umsókn, þarf eftir farandi að fylgja með henni:
- Eyðublaðið "Tilkynning um rafverktöku", útfyllt og undirritað af löggiltum rafverktaka ásamt húseiganda.
- Málsett afstöðumynd af húsi á lóð.
- Grunnmynd þar sem mælakassi, aðaltafla og tengistaður jarðskauts er sýndur, ásamt einlínumynd aðaltöflu.
- Byggingarleyfi staðfest af byggingarfulltrúa.
Greiðsla fyrir heimtaug
Heimtaug verður ekki tengd fyrr en gengið hefur verið frá greiðslu fyrir heimtaug. Tengigjald má annað hvort staðgreiða, eða inna af hendi með raðgreiðslum á greiðslukorti eftir þeim reglum sem þar gilda um hverju sinni.
Umsækjandi skal geta þess í athugasemdum með umsókn, hvernig greiðslumáta hann velur.
Heitir pottar
Þeir sem vilja setja upp heitan pott í eða við sumarhúsið sitt þurfa að huga vel að þeim kostum sem í boði eru. Segja má að valið standi fyrst og fremst á milli rafmagnspotts og gas- eða viðarkynnta potta, og svo hitaveitupotta þar sem hitaveita er í boði.
Ef kalt vatn og rafmagn er til staðar í sumarhúsinu en hitaveita ekki, getur rafmagnspottur tvímælalaust verið hagkvæmur kostur með tilliti til heildarverðs, þ.e. samanlagðan stofn- og rekstrarkostnað. Kynntu þér málið!
Með ósk um ánægjuleg viðskipti,
